Bakı/08.02.18/Turan: Fevralın 8-də Rusiyadan gələn 6 vaqondan ibarət ilk sınaq yük qatarı Azərbaycanla İranın dəmir yollarını birləşdirən Astara-Astara yolu vasitəilə İrana yola salınıb.
Azərbaycan Dəmir Yolları" QSC-nin məlumatına görə, taxta-şalbandan ibarət olan yük İranın Astara stansiyasındakı terminalda boşaldılıb.
Bu ilin mart ayında dəmir yolunun tam istifadəyə verilməsi gözlənilir.
"Astara (İran) - Astara (Azərbaycan) dəmir yolu bu ilin mart ayında İran və qonşu Azərbaycan rəsmilərinin iştirak etdiyi mərasimdə açılacaq", - deyə İran Dəmir Yolunun beynəlxalq məsələlər üzrə baş direktoru Abbas Nəzəri bildirib.
İRNA-nın məlumatına görə, o həmçinin qeyd edib ki, İran, Azərbaycan və Rusiya rəsmiləri arasında Astara (Azərbaycan) - Moskva marşrutu üzrə sərnişin qatarı marşruti açmaq üçün ilkin danışıqlar aparılıb.
"Region ölkələri bu dəmir yolu layihəsinin əhəmiyyətini yaxşı bilir, həm Rusiya, həm də Azərbaycan layihəni mümkün qədər tez başa çatdırmaqda israr edirlər", - deyə Nəzəri qeyd edib.
Astara-Astara dəmir yolu xətti Qəzvin-Rəşt dəmir yolunun davamı və İran dəmir yollarını Azərbaycanın dəmir yolu sistemi ilə birləşdirən "Şimal-Cənub" layihəsinin bir hissəsidir. Yolun uzunluğu 10 kilometrdir. Bunun 8 km-i Astara şəhərindən İrana, 2 km-i sərhəddən İranın Astara şəhərinə qədərdir.
İran dəmir yolunun nümayəndəsi həmçinin deyib ki, Avropa ölkələri mallarını Fars körfəzinə, Hindistana və geri nəql etmək üçün Astara (İran) - Astara (Azərbaycan) dəmir yolu xəttindən istifadə etməyə çalışırlar.-0-
İqtisadiyyat
-
Mayın 1-i Beynəlxalq Əmək Günüdür. Azərbaycanda əmək hüquqları bir sıra qanunvericilik aktlarında təsbit olunub. Ölkə 1992-ci ildən Beynəlxalq Əmək Təşkilatının üzvüdür, onun 57 konvensiyasına qoşulub. Üstəlik, işçi hüquqlarının qorunması üçün müxtəlif təşkilatlar da yaradılıb. Amma buna baxmayaraq bu sahədə şikayətlər hələ də var.
-
Azərbaycan Mərkəzi Bankı (AMB) ilin əvvəlində tələbin əhəmiyyətli artımından sonra valyuta bazarında vəziyyətin normallaşdığını bildirib. Bu yenilənmiş məlumatı mayın 1-də keçirdiyi mətbuat konfransında AMB sədri Taleh Kazımov təqdim edib.
-
Mayın 1-də Azərbaycanın iqtisadiyyat naziri Mikayıl Cabbarov regional əlaqələri gücləndirmək və yeni iqtisadi imkanları araşdırmaq məqsədilə Özbəkistana ikigünlük səfərə gedib. Səfər zamanı bir sıra yüksək səviyyəli görüşlərin, o cümlədən Qazaxıstan və Özbəkistandan olan həmkarları ilə üçtərəfli müzakirələrin keçirilməsi planlaşdırılır.
-
Azərbaycan Mərkəzi Bankı (AMB) inflyasiya risklərinin artım və enməsinin balanslaşdırılmış qarışığını və əlverişli xarici iqtisadi mühiti əsas gətirərək 2024-cü il üçün inflyasiya proqnozuna azalmaya doğru yenidən baxıb. Yenidən baxılan proqnoz indi 2024-cü il üçün 3.5% təşkil edir, bu da əvvəlki gözləntilərdən aşağıdır, 2025-ci il üçün isə 4.2% səviyyəsində qalır.
Rəy yaz