![Rusiyalı milyarderin konserv zavodu mənfəətlə işləməyə başlayıb](https://turan.az/resized/750/500/resize/media/2015/main/070700122289.jpg)
Rusiyalı milyarderin konserv zavodu mənfəətlə işləməyə başlayıb
Teymur Əhmədov adına “AzNar” QSC Rusiyada yaşayan azərbaycanlı milyarder Fərhad Əhmədov onu əldə edəndən ilk dəfə mənfəətlə işləməyə başlayıb. Amma biznesmen 2013-cü ildə bildirmişdi ki, minoritarlar 7-8 il dividend görməyəcək.
“AzNar”-ın mətbuatda açıqlanan 2012-2014-cü illər üzrə maliyyə hesabatında qeyd edilir ki, meyvə şirəsi və başqa məhsulların satışından mənfəət 342,4 min manat olub. Cəmi 1 mln 696,2 min manatlıq məhsul satılıb. İl ərzində satış 7,3% artıb, məhsulun maya dəyəri 22,2% azalıb.
“AzNar”ın Bakı ofisində Turan-a bildiriblər ki, məhsul əsasən xaricə (RF, Polşa, Almaniya, ABŞ, Avstraliya, Yeni Zelandiya) satılır.
2014-cü ildə şirkətin inzibati xərcləri 3 dəfə azalaraq 376 min manat olub. Başqa gəlirlər və xərclər nəzərə alınmaqla SC-nin balans mənfəəti 32 398 manat təşkil edib. Mənfəət vergisi (20%) və dividend (10%) çıxılandan sonra 23,3 min manat dividendə yönəldilib. Bunun 99,94%-i Fərhad Əhmədova çatacaq.
Maliyyə hesabatına əsasən, ötən il “AzNar”ın uzunmüddətli borcları (18 mln 484,1 min manat) 4 mln manat artıb. Səhmdarların ödəmədiyi ziyan 12,5 mln manata çatır. Ona görə dividend verilməsi qərarına 1998-ci ildə Göyçay Konserv zavodu özəlləşdirilən vaxtdan mənfəət gözləyən 23 fiziki şəxs üçün sosial aksiya hesab etmək olar. 08B
-
- İqtisadiyyat
- 7 İyul 2015 12:50
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz