Sabah 20-ci Beynəlxalq İnşaat (BakuBuild-2014) sərgisi keçiriləcək

Oktyabrın 22-də Bakı Ekspo Mərkəzində 20-ci Azərbaycan Beynəlxalq İnşaat (BakuBuild-2014) sərgisi keçiriləcək. Tədbirdə 29 ölkədən 490-dan artıq şirkət iştirak edəcək. Bu gün təşkilatçılar hazırlıq işləri ilə bağlı mətbuat konfrnası keçirib.

ITE Group PLC sərgi şirkətinin icraçı direktoru Edvard Stroon deyib ki, 20 il ərzində sərgi 20 il ərzində dünyanın 35 ölkəsindən 3200-dən artıq iştirakçı şirkəti və yüz mindən çox ziyarətçini qəbul edib.

«BakuBuild” səmərəli işgüzar meydançaya çevrilib», deyə o qeyd edib.

Xəzər İnşaat Həftəsi bu il BakuBuild, Aqua-Therm Baku və CIPS kimi sərgiləri özündə birləşdirir. Sərgidə Macarıstan, Almaniya, İtaliya (72 şirkət), İran, İspaniya, Portuqaliya və BƏƏ milli qrupları iştirak edəcək. Ənənəvi olaraq, Türkiyə istehsalçıları (41 şirkət) böyük heyətlə çıxış edəcəklər. Eksponentlərin təxminən 40%-ni yerli şirkətlər təşkil edir, deyə sərginin meneceri Maya Qafarlı bildirib.

Dövlət Şəhərsalma və Arxitektura Komitəsinin təmsilçisi Cahangir Qocayev qeyd edib, tikinti sektorunda rəqabət mühiti var, xarici şirkətlər yerli bazara daxil olur, yeni texnologiyalar, o cümlədən landşaft dizaynı təqdim edir. Məsələn, sərgidə İtaliya şirkətləri landşaft arxitekturası ilə yeni təqdimatlar keçirəcək.

Yaponiyalı istehsalçılarının vulkan tozunun qalıqlarından istifadə etməklə hazırlanan üzlük bəzək-naxış materialları isə üzlük materialları sektorunda tam yeniliyə çevriləcək. Taxta pəncərə, qapı və döşəmələr Avropanın aparıcı brendləri tərəfindən nümayiş etdiriləcək. Həmçinin, sərgidə şirkətlər açıq havada döşəməyə vurulan örtüklər sahəsində müasir təmayülü - “dekinq” və ya terras lövhələrini nümayiş etdirəcəklər. Kompleksin önündə yerləşən və “Amcador”, “Iveco”, “JCB”, “Hitachi”, “Hyundai”, “Manitou”, “Volvo”, “Caterpillar”, Hidromek və s. aparıcı brendlərin iştirak edəcəkləri tikinti texnikası bölməsi də xüsusi ilə diqqətə layiqdir.

Sərgi 25 oktyabrda başa çatacaq. 08C