Sabah 20-ci səhiyyə sərgisi açılacaq

Sentyabrın 25-dən 27-ə qədər Baku Ekspo Mərkəzində “BİHE” XX Azərbaycan Beynəlxalq Səhiyyə Sərgisi keçiriləcək. Bu gün İteca Caspian şirkəti AR Səhiyyə Nazirliyi nümayəndəsinin iştirakı ilə mətbuat konfransı keçirib.

Bu il dünyanın 17 ölkəsindən 147 şirkət son kəşflərini təqdim edir. Bu ölkələr arasında Belarus, Böyük Britaniya, Almaniya, İtaliya, Rusiya, Ukrayna, Türkiyə, İsveçrə, Çin, ABŞ və s. var. Sərgidə geniş tibbi məhsullar və xidmətlər spektrinə tibbi və laboratoriya avadanlıqları, yüksək texnoloji diaqnostika və müalicə metodları daxildir.

İteca Caspian direktoru Fərid Məmmədov qeyd edib ki, 20 il ərzində sərgidə dünyanın 45 ölkəsindən 2000-dən çox şirkət iştirak edib, çoxsaylı müqavilələr bağlanıb, birgə müəssisələr təsis edilib.

Səhiyyə Nazirliyinin mətbuat xidmətinin rəhbəri Anar Qədirli də səhiyyə sahəsinin inkişafında sərginin rolunu vurğulayıb. Turan-ın böyük kapitallara (xəstəxanaların və diaqnostika mərkəzlərinin tikintisi və yenidənqurması, tibbi avadanlıqlar alınması və s.) baxmayaraq, tibb sahəsində mənfi hallar haqqında sualına cavabda Səhiyyə Nazirliyinin nümayəndəsi qeyd edib ki, dövlət səhiyyə müəssisələrində (müəyyən sahələr üzrə xəstəxanalar istisna olmaqla) tibbi xidmətlər pulsuzdur. Səhiyyə sahəsində çoxsaylı dövlət proqramları həyata keçirilir, 450 mütəxəssis xaricdə ixtisasını yüksəldir. “Xəstələrin xarici klinikalara getməsinə gəlincə, hətta tibbin dövlət tərəfindən maliyyələşdirildiyi Böyük Britaniyada belə bu təcrübə var”, deyə Qədirli qeyd edib. SN nümayəndəsi təxminən 10 ildir söhbəti gedən icbari tibbi sığortanın tətbiqi haqqında suala cavabdan yayınıb.

Sərginin meneceri Elmira Ağayeva deyib ki, ikinci ildir ki, sərgi çərçivəsində tibbi turizm sektoru təklif edilir. Sərgidə xaricdə tibbi xidmətlər təklif edən 9 beynəlxalq klinika və mərkəz və 2 turizm agentliyi iştirak edir. Sərginin açıldığı gün “Tibbi turizm – turizm sahəsində yeni istiqamət, marketinq strategiyası və brendinq” mövzusunda konfrans keçiriləcək.

Sərginin 2-ci günü – sentyabrın 26-da Baku Ekspo Mərkəzində “Mamalıq, ginekologiya və neonatologiyada müasir diaqnostika və müalicə metodları” mövzusunda 8-ci elmi-təcrübi konfrans iş proqramını davam etdirəcək.

BİHE ilə parallel olaraq daha iki tədbir: 9-cu Azərbaycan Beynəlxalq Stomatologiya Sərgisi “Stomatology Azerbaijan 2014” və 8-ci Azərbaycan Beynəlxalq Gözəllik və Estetik Tibb Sərgisi “Beauty Azerbaijan 2014” keçiriləcək. Bu, dövlətin iştirakı olmayan, yalnız özəl klinikalara lisenziya verdiyi səhiyyə sahəsidir. -08C-