![Sabah Bakıda idman və gənclər təşkilatları sərgisi açılır](https://turan.az/resized/media/2012/main/112700019569-750-500-resize.webp)
Sabah Bakıda idman və gənclər təşkilatları sərgisi açılır
Sabah Bakı Ekspo Mərkəzində Gənclər təşkilatlarının IV Respublika sərgisi və 1-ci Azərbaycan Beynəlxalq “İdman, İdman Ləvazimati və Geyimi” Sərgisi keçiriləcək. SportExpo Azerbaijan 2012 ildə bir dəfə keçirlir və 50 iştirakçını toplayıb.
Bu gün Azərbaycan Gənclər və İdman Nazirliyi dəstəklədiyi sərginin təşkilatçıları mətbuat konfransı keçirərək sərgiyə hazır olduqlarını bildiriblər.
“İTE Group Plc.” Sərgi şirkətinin icraçı direktoru Edvard Stroon deyib ki, sərgi dövlətin idmana qayğısının artdığı fonda keçirilir. Gənclər təşkilatlarının ekspozisiyasına Gənclər və İdman Nazirliyi sponsorluq edir.
SportExpo meneceri Orxan Əhmədov bildirib ki, sərgidə idman federasiyaları və klublar, idman paltarı və avadanlığı istehsalçıları iştirak edir.
Gənclər sərgisində 100 gənclər təşkilatı iştirak edəcək. Tədbir “Azərbaycan gəncliyi 2011-2015-ci illərdə" Dövlət Proqramı çərçivəsində keçirilir. Sərginin əsas məqsədi ictimaiyyətə gənclər təşkilatlarının fəaliyyəti, eləcə də onlar tərəfindən həyata keçirilən layihə və tədbirlər haqqında geniş məlumat vermək, həmçinin, gəncləri ictimai fəaliyyətə cəlb etməkdir. Bu barədə Gənclər və İdman Nazirliyi gənclər təşkilatları ilə iş şöbəsinin müdiri Fuad Babayev bildirib. Onun sözlərinə görə, 11 ayda nazirlik 3 mln manatlıq 120 layihəni maliyyələşdirib. Bundan başqa, Gənclər və İdman Nazirliyi yanında Gənclər Fondu 2 mln manatlıq 200 qrant verib.
Mətbuat konfransında qeyd edilib ki, sərgilər çərçivəsində natiqliq qabiliyyəti, biznesin əsasları, işgüzar yazışmalar, mütəxəssis seçimi, istehlakçıların hüquqları, vergi ödəyicilərinin hüquqları və s. mövzularda seminar və ustad dərsləri keçiriləcək.
Sərgilər 30 noyabra kimi davam edəcək. 08C
-
- Siyasət
- 27 Noyabr 2012 15:41
-
- İqtisadiyyat
- 27 Noyabr 2012 15:54
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz