Sabah Baku Build 2012-10-16 inşaat sərgisi açılır

Sabah Bakıda Ekspo Mərkəzdə 18-ci Azərbaycan beynəlxalq «İnşaat» Baku Build 2012 sərgisi keçiriləcək. Paralel olaraq 4-ci Beynəlxalq istilik, havalandırma və kondisiyalaşdırma sistemləri, 

su təchizatı, sanitariya, ətraf mühitin mühafizəsi texnologiyaları,

üzgüçülük hovuzu və bərpa olunan enerji sərgisi” və 5-ci Xəzər Beynəlxalq

mühafizə, təhlükəsizlik və xilasetmə vasitələri sərgisi keçiriləcək. 

Bu gün sərgilərin təşkilatçıları və tərəfdaşları Bakıda mətbuat konfransı keçirərək sərgilərin miqyası barədə məlumat veriblər. 

İTE Group Plc şirkətinin regional direktoru Edvard Stroon bildirib ki, bu il sərginin sahəsi 20% genişləndirilib. BakuBuild 2012-də 31 ölkədən 445 şirkət iştirak edir. İnşaat sənayesinin uğurları 250 stenddə nümayiş etdirilir. Şirkətlərin 60%-i Bakı sərgisində daimi iştirakçıdır, deyə Stroon bildirib. 

Dövlət Şəhərsalma və Arxitektura Komitəsinin təmsilçisi Cahangir Qocayev inşaat sərgilərinin tikinti texnologiyalarının yenilənməsində və yeni arxitektura həllərində rolunu yüksək qiymətləndirib. 

İteca Caspian-ın (İTE Group-un Azərbaycandakı tərəfdaşı) satış meneceri Samirə Teymurova qeyd edib ki, sərgidə Almaniya, İran, İtaliya, Finlandiya, Portuqaliya və Yunanıstan öz kollektiv ekspozisiyaları ilə çıxış edəcəklər. Yunanıstan milli qrupu sərgidə debüt edir. Teymurovanın sözlərinə görə, Türkiyə sahibkarları ekspozisiyanın 20%-i tutub. 

Bu il yerli şirkətlər sərgi iştirakçılarının 35%-i təşkil edir. 

Açıq ekspozisiyada “Hidrokon”, “İntertechnics”, “MANN”, “VOLVO”, “Wirtgen”, “Faymonvill”, “JCB” və s. aparıcı şirkətlərinin tikinti texnikası nümayiş etdiriləcək. 

Oktyabr ayının 18-də Baku Ekspo Mərkəzində sərgi çərçivəsində Xəzər-Avropa İnteqrasiya İşgüzar Klubunun təşkili ilə İnşaat Klubunun iclası keçiriləcək. Sərgi 20 oktyabrda başa çatacaq. --08C— 

https://www.youtube.com/v/ihNrtF4S4kQ?version=3&hl=en_US