Bu gün “BakuBuild-2013” 19-cu Azərbaycan Beynəlxalq İnşaat sərgisinin açılışına həsr olunmuş mətbuat konfransı keçirilib. 20% artım nümayiş etdirən sərgi sabah 32 ölkədən 490 şirkəti qəbul edir. Mətbuat konfransında Azərbaycan Respublikası Dövlət Şəhərsalma və Arxitektura Komitəsinin beynəlxalq əlaqələr və informasiya şöbəsinin rəhbəri Cahangir Qocayev, “ITE Group Plc” şirkətinin icraçı direktoru Edvard Stroon və başqaları iştirak ediblər.
“BakuBuild-2013” 19-cu Azərbaycan Beynəlxalq İnşaat sərgisi 23 oktyabrda Bakı Ekspo Mərkəzində keçiriləcək. Bu il 4 zalın hamısı, foye və bayır hissə tam tutulub. İştirakçıların 50%-i debütantdır. Sponsorlar Norm, “Holcim Azerbaijan” və Emirates steel şirkətləridir.
Bu il sərgidə Almaniya, Yunanıstan, İtaliya, İran, BƏƏ, Portuqaliya və Finlandiyadan yeddi milli qrup iştirak edəcək. İtaliyanın Breşiya və Milan şəhərləri, eləcə də Novara vilayətinin sahibkarlarından ibarət qrup sayca çoxluq təşkil edir (67 şirkət). “Dubai Exports” təşkilatının kurasiyasında olan BƏƏ milli qrupu sərgidə ilk dəfə iştirak edir. Həmçinin, sərgidə Türkiyə sahibkarlarının kollektiv iştirakı da təşkil olunacaq. Çin şirkətləri isə bu il daha geniş meydançada təqdim olunurlar.
Sevindirici haldır ki, bu il yerli iştirakçıların da sayı artmışdır və onlar sərgi meydançasının 38%-ni tuturlar. “BakuBuild 2013” sərgisində Azərbaycan şirkətləri tikinti materialları və inşaat xidmətləri üzrə çoxşaxəli yerli istehsal sənayesini nümayiş etdirəcəklər.
24-25 oktyabr tarixində “Dubai Export” şirkətinin təşkilati dəstəyi ilə Dubay və Azərbaycan sahibkarlarının biznes-forumu təşkil olunacaq. 25 oktyabr tarixində isə Xəzər-Avropa İnşaat Klubunun “Regionda inşaat sənayesinin perspektivləri və inkişafı” mövzusunda 3-cü iclası keçiriləcək.
“BakuBuild” sərgisi ilə eyni meydançada “Aqua-Therm Baku 2013” 5-ci Yubiley Beynəlxalq “İstilik, Havalandırma və Kondisiyalaşdırma sistemləri, Su təchizatı, Sanitariya, Ətraf mühitin mühafizəsi texnologiyaları, Üzgüçülük hovuzu və Bərpa olunan enerji” sərgisi və “CIPS Caspian 2013” 6-cı Xəzər Beynəlxalq “Mühafizə, Təhlükəsizlik və Xilasetmə vasitələri” sərgisi keçiriləcək .
Sərgi 26 oktyabrda başa çatacaq. 08D
İqtisadiyyat
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
-
Yanvarın 13-dən 14-nə keçən gecə, İstanbul, Moskva və Təl-Əvivdən Bakı istiqamətinə olan bir neçə uçuş, Bakıdakı Heydər Əliyev Beynəlxalq Hava Limanında dumanlı hava şəraiti səbəbindən Gəncə Beynəlxalq Hava Limanına yönləndirilib.
-
Azərbaycan Nazirlər Kabineti bazar günü Daşaltı Dövlət Təbiət Qoruğu üçün 289,5 hektar ərazini əhatə edən yeni sanitariya-mühafizə zonasını təsdiqləyib. Baş nazir Əli Əsədov tərəfindən imzalanan qərar, xüsusi mühafizə olunan təbiət ərazilərinə dair milli qanunvericiliyə uyğun olaraq ətraf mühitin qorunmasını gücləndirməyi hədəfləyir və "Xüsusi mühafizə olunan təbiət əraziləri və obyektləri haqqında" qanuna 2014-cü ildə edilmiş dəyişiklikləri həyata keçirir.
-
Azərbaycan Prezidenti İlham Əliyev, Birləşmiş Ərəb Əmirliklərinə (BƏƏ) işgüzar səfəri çərçivəsində 13 yanvar 2025-ci il tarixində Abu-Dabidə BƏƏ Prezidenti Şeyx Məhəmməd bin Zayed Al Nəhayan ilə görüşüb. Görüşdə iki ölkə arasında ikitərəfli əlaqələrin möhkəmləndirilməsi vurğulanıb, xüsusilə enerji sahəsində əməkdaşlıq, iqlim dəyişikliyi ilə mübarizə və qarşılıqlı sərmayələrə diqqət yetirilib.
Rəy yaz