Azərbaycan Parlamentinin plenar iclası başa çatdı (YENİLƏNİB)

Milli Məclisin payız sessiyasının növbəti plenar iclası “Azərbaycan Respublikasının dövlət bayrağından istifadə qaydaları haqqında” qanuna dəyişikliklərin müzakirəsi ilə yekunlaşıb.

Hüquq siyasəti və dövlət quruculuğu üzrə komitə sədri Əli Hüseynlinin sözlərinə görə, yenilik parçanın rənglərinin aşağıdakı kataloqa uyğunluğunu nəzərdə tutur: mavi rəng - Pantone 306С rəngi, qırmızı Pantone Red 032С rəngi, yaşıl - Pantone 362С rəngi.

Qanunvericiliyin tələbləri (qanunun 9.2-ci maddəsi) məhsulun sənaye üsulu ilə hazırlanması və dövlət bayrağının rəng təsvirinin dərc olunması zamanı etibarlıdır.

Bundan başqa, Azərbaycan və Gürcüstan arasında “Fövqəladə halların nəticələrinin aradan qaldırılması, onların məhdudlaşdırılması və azaldılması üçün əməkdaşlıq haqqında” hökumətlərarası saziş, habelə Azərbaycan hökuməti və Avropa İnvestisiya Bankı arasında bu bankın ölkəmizdəki fəaliyyətinin tənzimlənməsi haqqında çərçivə sazişi təsdiq edilib.

Bununla belə, Vergi Məcəlləsinə, “Azərbaycan Respublikasının dövlət rüsumu haqqında” qanuna, Cinayət Məcəlləsinə və İnzibati Xətalar Məcəlləsinə dəyişikliklər edilib. Paralel olaraq, “Bədən tərbiyəsi və idman haqqında”, “Təbii inhisarlar haqqında”, “Sahibkarlıq haqqında”, “Sosial sığorta haqqında”, “Əhalinin sağlamlığının qorunması haqqında”, “Məhkəmə Hüquq Şurası haqqında” qanunlara dəyişikliklər edilib.

Bundan başqa, “Seleksiya nailiyyətləri haqqında”, “Toxumçuluq haqqında”, “Qida məhsulları haqqında”, “Üzümçülük və şərabçılıq haqqında” qanunlara dəyişikliklər edilib. Bundan əlavə, “Kənd təsərrüfatının sığortalanmasının stimullaşdırılması haqqında”, “Ekoloji cəhətdən təmiz kənd təsərrüfatı haqqında” və “Yol hərəkəti haqqında” qanunlara dəyişikliklər təsdiq edilib. -17D-

2013 Oktyab 22 (Çərşənbə axşamı) 13:31:18

Milli Məclisin bugünki iclasının gündəliyinə ikitərəfli və çoxtərəfi əməkdaşlıq məsələləri, qanunvericiliyə dəyişikliklər və digər məsələlər var.

Müzakirəyə çıxarılmış 32 maddədən Mülki və Vergi məcəllələrinə, Dövlət rüsumu haqqında qanuna nəzərdə tutulan dəyişikliklər daha çox maraq doğurur.

Həmçinin, təbii inhisarlar, sahibkarlıq fəaliyyəti, sosial sığorta, qida məhsulları haqqında qanunlara dəyişikliklər planlaşdırılır.

Əhalinin sağlamlığının qorunması, ekoloji cəhətdən təmiz kənd təsərrüfatı məhsulları, yollarda təhlükəsizlik, Məhkəmə Hüquq Şurasının fəaliyyəti də MM-in iclasında müzakirə olunacaq. -17D-