Valyuta bazarında vəziyyətin sabitləşməsi və əhalinin pul əmanətlərinin dövriyyəyə cəlb edilməsi üçün Azərbaycan hökuməti yaxın vaxtlarda dövlət istiqrazları buraxacaq. Bu barədə maliyyə naziri Samir Şərifov ANS telekanalına müsahibəsində bildirib.
Onun sözlərinə görə, manatla istiqrazlar üzrə faizlər inflyasiya səviyyəsindən yuxarı olacaq və təxminən illik 11-12 faiz təşkil edəcək. Dollarla istiqrazlar az gəlirli olacaq və illik üç faiz təşkil edəcək.
Nazir milli valyutanın məzənnəsi ilə bağlı nikbin fikirdədir və güman edir ki, son ildə əhalinin kütləvi şəkildə dollar almasıyla yaxın vaxtlarda əks proses başlayacaq və manata tələbat artacaq.
Bununla belə, S.Şərifov dollarla krediti olan şəxslərə ümidverici bir şey deməyib.
O işarə edib ki, devalvasiya ilə əlaqədar dövlət krediti olanlara hər hansı kompensasiya vermək niyyətində deyil və məsələ banklarla müştərilər arasında həll olunmalıdır. S.Şərifovun fikrincə, son illər banklar onsuz da şişirdilmiş faizlər ilə kredit veriblər və indi həmin yüksək mənfəətin hesabına müştərilərə güzəşt oluna bilər. Bundan əlavə, nazir qeyd edib ki, dövlət əhalinin depozitlərini tam sığortalayaraq banklara dəstək olub.—06D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz