“SOCAR-ın əsaslı kapital qoyuluşu İdarəsinin rəis müavini Qiymət Mehdiyev Türkiyədə 20 milyon dollarlıq villalar alıb”. “Azadlıq” qəzeti belə yazır. Bu 16 ədəd iki mərtəbəli villa, 12 min 621.71 kv.metr torpaq sahəsi deməkdir.
“Necə olur ki, vətəndaş ölkəyə 2 kq. banan gətirə bilmir, ölkədən 50 min dollardan artıq pul çıxarsa 20% vergi ödəyir. Amma hansısa məmur 20 milyon dolları çox asanlıqla ölkədən çıxara bilir?”, qəzet sual ünvanlayır. Bundan əlavə, qəzetdə alınan villalara aid tapuların (kupça) surəti, imzaların surətləri göstərilir.
Digər tərəfdən, qəzet ölkədə ixtisarlar probleminə diqqət çəkərək ötən həftə “Azərişıq”da 4 min nəfərin ixtisara salınmasına toxunur. “İndiki çətin anlarda struktur islahatları adı ilə camaatı küçələrə atmaq olmaz, onların bir qrupu İŞİD-ə, bir qrupu da nurçulara qoşulacaq, bu, ölkəyə laızmdırmı?”, Milli Şuranın Əlaqələndirmə Mərkəzinin üzvü Eldəniz Quliyev bu ixtisarlara münasibətini ifadə edib.
Xarici şirkətlərin Azərbaycanı tərk etməsi də diqqət mərkəzindədir. Belə ki, son bir həftədə 3 xarici şirkət ölkəni tərk edib. “Mövcud iqtisadi durğunluq və qeyi-müəyyənlik bazar iştirakçılarının iqtisadiyyatdan çəkilməsini stimuallaşdırır”, ekspert Məhəmməd Talıblı bu məsələyə mövqeyini ifadə edir.
AŞPA-nın qış sessiyasında Azərbaycanla bağlı gözlənilən kritik müzakirələri və ABŞ Konqresində “Azərbaycan Demokratiya Aktı” qanun layihəsini xatırladan “Yeni Müsavat” qəzeti bunu “Azərbaycana qarşı diplomatik savaşın başlaması və Bakının çarpaz atəş altına düşməsi” kimi dəyərləndirir.
“Bu gün böhrandan çıxış yolu axtarmalı olan insanların əksəriyyəti ölkənin iqtisadi vəziyyətilə bağlı dövlət başçısına yanlış məlumat verən, dövləti vətəndaşla üz-üzə qoyan məmurlardır” deyən deputat Fazil Mustafaya görə, dollarla götürülmüş kreditlərin ödənişi köhnə məzənnə ilə olmalıdır.
“Azərbaycan böhrandan çıxmaq üçün Qazaxıstan modelini tətbiq etməidir”, iqtisadçı Qubad İbadoğlu bu variantı məqbul variantlardan biri adlandırır.
Qəzet böhranın toy biznesini də iflic hala saldığını, amma şadlıq sarayları əməkdaşlarının “2-3 aya vəziyyətin düzələcəyi” ümidilə yaşadıqlarını qeyd edir.
“Strukturların sayının çox olması birmənalı şəkildə büdcənin bu istiqamətdə artmasına gətirir, digər tərəfdən çevik qərar verilməsini yubadır. “Azərbaycan” qəzeti belə yazaraq ölkədə yaşanan böhranın səbəbi kimi qərar qəbul etməkdə bir-birinə mane olan “paralel strukrturları” ittiham edib.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz