Şəhər sərnişin nəqliyyatı rəqabət mühitinə ehtiyac duyur
Taksi fəaliyyəti ilə məşğul olan avtomobillərə sayğac qoyulacaq. Bunu Nəqliyyat Nazirliyinin təmsilçisi deyib. İctimai sektor şəhər sərnişin nəqliyyatında rəqabət mühitinin olmadığı şəraitdə buna taksi sürücülərinə təzyiq kimi baxır.
Nəqliyyat Nazirliyinin təmsilçisi Namiq Həsənovun sözlərinə görə, Vergilər Nazirliyi ilə sayğaclarla bağlı məsləhətləşmələr aparılıb. Hazırda taksi sürücüləri sadələşdirilmiş metodla vergiyə cəlb edilir.
Nəqliyyat Nazirliyi yeni sistemə 2015-ci ilin Avropa Olimpiya Oyunlarına kimi keçəcək. Bu qurum 2012-ci ildə “Eurovisoin” müsabiqəsi öncəsi taksi xidməti göstərən qeyri-standart avtomobillərdən qurtulmağa çalışmışdı. Avtomobillərin tərtibatı üzrə dövlət standartları tətbiq edilib, 500 ədəd “London Taxi TX” avtomobili alınıb. Amma taksi sürücülərinin müqaviməti Nəqliyyat Nazirliyindən güclü oldu.
İqtisadçı Rövşən Ağayev Turan-a deyib ki, vergi məsələsindən öncə Nəqliyyat Nazirliyi rəqabət mühitinin təmin edilməsi və xidmət mədəniyyətinin artırılması ilə məşğul olmalı idi. «Vergi yolu ilə rəqibləri bazardan çıxarmaq olar, amma keyfiyyətli xidmət təmin etmək olmaz», deyə o düşünür. Ağayev təklif edir ki, şəhər nəqliyyatının tənzimlənməsi funksiyası yerli hakimiyyət orqanlarına verilməlidir. Nəqliyyat Nazirliyi isə ümumi dövlət nəqliyyat siyasəti ilə məşğul olmalıdır.
İqtisadi və Sosial İnkişaf Mərkəzinin rəhbəri Vüqar Bayramov hesab edir ki, taksilər üçün yeni vergi sisteminə keçərkən bu məsələnin sosial aspektləri də nəzərə alınmalıdır ki.,xidmət qiyməti artmasın. O həmçinin hesab edir ki, kart sisteminə tam keçənə qədər avtobuslar dövriyyədən asılı olaraq vergiyə cəlb edilməlidir.
Qanunvericiliyə əsasən, Nəqliyyat Nazirliyi hər bir nəqliyyat vasitəsinə fərqlənmə nişanı verməlidir. Bu nişan ayda 9 manat sadə vergini ödəyəndə verilir. Bundan başqa, avtonəqliyyat vasitəsinin sahibi və ya istifadəçisi 150 manata 5 illik lisenziya almalıdır. Avtobuslarda sadə vergi bir oturacağa 1,8 manatdır (Bakıda 2 qat, Sumqayıtda, Gəncədə, Abşeronda, şəhərlərarası marşrutlarda 1,5 qat).
Nəqliyyat Nazirliyinin məlumatına görə, ölkədə 10-15 min, Bakıda 5 min avtomobil taksi xidməti göstərir. Nəqliyyat Nazirliyi lisenziyalı taksi avtomobillərinin sayı barədə statistikanı açıqlamır. 08B
-
- Analitika
- 4 Mart 2014 14:56
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz