Şəhərin mərkəzində söküntülərin hesabına ilkin mənzil bazarı canlanıb

Bir neçə illik enmədən sonra ilkin mənzil bazarı canlanıb - şəhər kənarında və Bakının qəsəbələrində də çoxmərtəbəli evlər tikilir. Tendensiya təsadüfi deyil - 2011-2013-cü illər paytaxtın mərkəzində (Səbail, Yasamal və Nərimanov rayonlarında) mülkiyyətçilərin hüquqlarının pozulması ilə müşahidə olunan kütləvi söküntülərlə yadda qaldı. 

 Söküntüyə görə nəzərdə tutulan kompensasiya yarıya qədər kəsilib, bu da insanlara mərkəzdə ev almağa imkan vermir və sakinlər yeni binalarda təmirsiz mənzil alıb öz hesablarına təmir etdirmək məcburiyyətindədir. Kütləvi söküntülərə görə yanvarda bu seqmentdə qiymətlər artıb, bu da son ilin tendensiyasını əks etdirir. 

Bundan əlavə, əgər ötən ilin əvvəlində insanlar 1 kv metri təxminən 810 manata olan orta təmirli mənzillər alırdısa, indi bir kv metrinin orta qiyməti  450 manata olan təmirsiz mənzillərə üstünlük verirlər. Paytaxtın Xətai, Sabunçu, Pirallahı, Qarabağ və Binəqədi rayonlarında fəal tikinti gedir. Fərdi yeni binalar da nəzərə alınmaqla əyalətlərdə, xüsusən Gəncə, Sumqayıt, Şirvan, Quba və Yevlaxda artım qeydə alınıb.

Mütəxəssislərin hesablamasına görə, şəhərin mərkəzində yeni binalardan mənzil alınmasında fəallıq 80% azalıb, ancaq imkanlı vətəndaşlar «Yeni Həyat» və Port Baku Residence komplekslərində bir kv metri 5 min dollardan 12,6 min dollara və daha baha olan məzilləri alır. Hətta bir kv metrə görə 130 min dollar təklif var. Bu baxımdan Bakının mərkəzində bazar pul ekvivalentində şəhərin ətrafından geri qalmır. 

Bu ilin yanvar ayında paytaxtın qəsəbələrində iki-üç otaqlı mənzillərə daha çox tələbat olub. Ardınca həmin 3-cü zonada bir otaqlı mənzillər gəlir. Ən az tələbat binalarda ümumi sahəsi 235 kv metrdən 400 kv metrə qədər (fərdi layihə ilə bir-iki mərtəbəli daha böyük tikililər var) olan beş və daha çox otaqlı mənzilərdir. 

Qiymət bölgüsü belədir - təmirsiz bir otaqlı 60-65 kv metr sahəsi olan mənzilə görə 25-30 min manat, 92-95 kv metr sahəsi olan iki otaqlı mənzilə görə - 40-45 min manat ödənilir. Təmirsiz üç otaqlı mənzillər (132-140 kv metr) 59,5-65 min manat, dörd otaqlı mənzillər (183 - 190 kv m) - 82 - 90 min manat, beş otaqlı (235 - 260 kv metr) - 105-120 min manatdır. Qiymətlər ortadı - Sabunçu rayonunun Bakıxanov qəsəbəsində 1,3 əmsal, Şirvan və Yevlax rayonlarında - 1,3 əmsal tətbiq olunur. Mütəxəssislərin hesablamasına görə, qənaətbəxş təmir və köçmək də nəzərə alınmaqla bu rəqəmlər 1,5 - 2-ə vurulmalıdır. 

Ekspertlər hesab edir ki, ilkin mənzil bazarında fəallıq və yüksək qiymətlər tikinti sektoruna nəzarət edən məmurlar tərəfindən süni şəkildə artırılıb. Təkrar mənzil bazarında olduğu kimi bu seqmentə qiymətlər həqiqi dəyərindən artıqdır. Səbəbi odur ki, oliqarx məmurlar tikintiyə şəxsi sahibkarlıq yolu ilə deyil, büdcə vəsaitlərini mənimsə hesabına əldə etdikləri pulu yatırır. Ona görə də bazara qiymətlərin aşağı düşməsinə təsir edən amil yoxdur. Bazara inhisar da təsir edir - fövqəladə hallar nazirliyi bir neçə il «standarta cavab verməyən» yeni tikililərin qazlaşdırılmasına icazı vermirdi. Bu yeni tikililərin sahibləri seqmentdən sıxışdırılıb çıxarılandan sonra (bir çoxları rieltor oldu) həmin binalar standarta uyğun oldu və qazlaşdırıldı. 

Yaxın günlərdə ilkin mənzil bazarında stabillik qalacaq. 7D