2013-cü il dekabrın 17-də Türkiyədə həyata keçirilən hay-küylü “korrupsiya və rüşvət əməliyyatı” zamanı saxlanılanlara qarşı yeni nüanslar ortaya çıxıb.
Belə ki, işi aparan yeni prokuror Əkrəm Aydınər şübhəli şəxs kimi saxlanılanlara tətbiq olunan ölkədən kənara çıxmaq yasaqlarını və əmlaklarına həbs tədbirlərini aradan qaldırıb. Prokuror Ə.Aydınər qərarını “şübhəli şəxs kimi saxlanılanlara qarşı ittihamda nəzərdə tutulan cinayətləri işləmələri haqda və ədalətli nəzarət tədbirlərini əsaslandıracaq dəlillərin cinayət işində olmaması” ilə əlaqələndirib.
Xatırladaq ki, adı çəkilən əməliyyat zamanı iş adamları, bank rəhbəri , 3 nazir oğlu həbsə alınıb. 4 nazirin adı rüşvət almaqda keçib. Bununla bağlı 4 nazir istefa verməyə məcbur olub. Bundan sonra baş nazir Ərdoğan hadisələrə siyasi müdaxilə edərək əməliyyatda iştirakçı olan prokurorları və polis əməkdaşlarını işdən kənarlaşdırılıb. Rəsmi Ankara bütün Türkiyə boyu polis, prokuror, hakimlərin işlədikləri şəhər, rayonlardan dəyişdirilməsinə start verib. Beləliklə, Ərdoğan hökumətin korrupsiyaya bulaşdığına görə hakimiyyətdən getməsi prosesinin qarşısını alıb. Hətta yayılan bir çox telefon danışıqlarında Ərdoğanın özü və ailə üzvlərinin də korruposiya və rüşvətə batması əksini tapırdı.
Adı çəkilən əməliyyat iki ilə qədər çəkən texniki dinləmələrdən,aparılıan müşahidə və nəzarətlərdən sonra icra edilib. -05D-
Dünyada
-
Türkiyənin xarici işlər naziri Hakan Fidan və Suriyanın yeni administrasiyasının rəhbəri Əhməd Əl-Şara Dəməşqdə keçirilən danışıqlardan sonra birgə mətbuat konfransında Suriyada "yeni dövr" elan etdilər. Fidan Suriyanın ən qaranlıq günlərinin geridə qaldığını vurğuladı və inklüzivlik və suriyalıların qətiyyəti üzərində qurulmuş parlaq bir gələcək vəd etdi.
-
Yeni Gallup sorğusu göstərir ki, iki ildən çox davam edən Rusiya-Ukrayna müharibəsinin tezliklə həllini istəyən amerikalıların sayı artmaqdadır. Respondentlərin yarısı münaqişənin tez bir zamanda bitməsini dəstəklədiyini bildirib, hətta bu, Ukraynanın bütün itirilmiş ərazilərini geri qaytarmayacağı anlamına gəlsə belə. Bu rəqəm 2024-cü ilin martı ilə müqayisədə 7 faiz artım deməkdir. Oktyabr 2023-dən bəri tez həllə dəstək 43 faiz səviyyəsində sabit qalmışdı.
-
ABŞ-ın yüksək rütbəli diplomatları cümə günü Dəməşqdə Suriyanın yeni faktiki lideri Əhməd əl-Şaraa ilə görüş keçirdi. Görüş ölkənin siyasi keçidi müzakirə etmək məqsədilə təşkil olunmuş və "yaxşı" və "çox məhsuldar" kimi qiymətləndirilmişdir. ABŞ nümayəndə heyəti, həmçinin, əl-Şaraa-nın başına qoyulmuş 10 milyon dollarlıq mükafatın ləğv edildiyini elan edib.
-
İran qadınlar üçün daha sərt hicab tələbləri ilə bağlı mübahisəli yeni qanunun tətbiqini dayandırıb. Bir çox müşahidəçilərin fikrincə, bu qanun Mahsa Əmininin 2022-ci ildə ölümündən sonra baş verən kütləvi etirazlara bənzər hadisələri təkrarlaya bilərdi, yüksək rütbəli rəsmi bildirib.
Rəy yaz