Səhm girovunun qeydiyyatı 60% azalıb

Bu ilin yanvar-avqustunda qiymətli kağızların qeyri-investisiya aləti üzrə bazarı inkişaf etməyib, mənfi tendensiyalar dərinləşib. Tələbat olsa da, dövlət özəl sektorda borc qiymətli kağızların inkişafına səy göstərmir.  

Qiymətli Kağızlar üzrə Dövlət Komitəsinin məlumatına görə, bu ilin yanvar-avqustunda nə depozit sertifikatı, nə mənzil, nə xəzinə sertifikatı, nə də faiz vekseli emissiya edilib. 

Bu il Azərbaycanda 17 769,7 min manatlıq sadə veksellər imzalanıb. Bu, ötən ilin eyni dövründəkindən 2 dəfə çoxdur. Veksellərin girov qoyulması müqavilələrinin sayı açıqlanmır. Amma borc qiymətli kağızlar bazarı təşəkkül etməkdədir və biznes dairələrdə populyar deyil. Məhkəmə instansiyalarında dövlət və özəl şirkətlər arasında borc öhdəlikləri üzrə çəkişmələr geniş yayılıb və onları veksel girovu ilə həll etmək olardı. 

QKDK 8 ayda 1939 ipoteka kağızı qeydiyyata alıb. Bu, ötən ilin eyni dövründəkindən 11% çoxdur. İpoteka kağızlarının əlavə qeydiyyatı (1305) bu dövrdə 29% azalıb.

Bu ilin yanvar-avqustunda QKDK qiymətli kağızların girovu üzrə 23 müqavilə qeydə alıb. Girov QK-ın ümumin sayı açıqlanmır. 2012-ci ilin eyni dövründə 57 belə müqavilə (-60%) bağlanmışdı. 08D