“Azərbaycanfilm” kinostudiyasının 90 illik yubileyi ilə əlaqədar keçirilən tədbirdə Azərbaycan Kinematoqrafçılar İttifaqı illik mükafatlarını təqdim edib.
AKİ-dən Turan-a verilən məlumata görə, ilk olaraq mükafatla sənədli kino ustası Ziya Şıxlinski təltif edilib. O, “Sənədli kinoda Azərbaycan tarixinin və mədəniyyətinin uğurlu təbliğinə görə” nominasiyasında bu mükafatı alıb. O, “Ruslar müharibə istəyirmi?”, “Şopenin qayıtması”, “Səkkiz dəqiqə yarımlıq düşüncə” filmlərinin rejissorudur.
Daha sonra Azərbaycan animasiyasının inkişafında böyük xidmətlərinə görə animasiya ustası,”Birlik” animasiya studiyasının bədii rəhbəri Firəngiz Qurbanova təltif olunub.
“Azərbaycan kinosunda parlaq milli xarakterlər yaratdığına görə” nominasiyasında mükafatı xalq artisti Fuad Poladov alıb. Ona mükafatı həmkarı Fəxrəddin Manafov təqdim edib.
Tədbirdə həmçinin AKİ sədri Rüstəm İbrahimbəyovun təbrik məktubu oxunub. -16D-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz