«Səhmdar cəmiyyətlərində korporativ idarəetmənin və hesabatlılıq sistemi» mövzusunda konfrans keçirilib

Qiymətli Kağızlar üzrə Dövlət Komitəsi (QKDK) PAŞA Bank-ın dəstəyi ilə səhmdar cəmiyyətlərində korporativ idarəetmənin və hesabatlıq sisteminin effektivliyinin artırılmasına dair konfrans təşkil edib.

QKDK-nın sədr müavini İlqar Muradov səhmdarların hüquqlarının müdafiəsi, onlara bərabər münasibətin təmin edilməsi, beynəlxalq prinsiplərə uyğun korporativ idarəetmə qayda və prosedurlarının yaradılması istiqamətlərində müxtəlif tədbirlərin həyata keçirildiyini bildirib. Onun fikrincə, səhmdar cəmiyyətlərində maliyyə sabitliyinin təmin edilməsi və dayanıqlıq potensialının artırılması, effektiv və şəffaf, beynəlxalq standartlara uyğun idarəetmə və hesabatlıq sisteminin təşkili üzrə əhəmiyyətli nailiyyətlər əldə olunub.

Konfransda 20 SC-nin vəzifəli şəxsləri, QKDK ilə yanaşı, İqtisadiyyat və Sənaye Nazirliyinin nümayəndələri, PAŞA Bank-ın və Bakı şəhərində fəaliyyət göstərən səhmdar cəmiyyətlərin rəhbərləri iştirak edib.

Əvvəlki konfrans 2013-cü ilin mayında Qubada keçirilib.

Azərbaycanda 2000-dən çox qiymətli kağız emitenti, o cümlədən dövlət müəssisələrinin özəlləşdirilməsi və yenidən təşkili yolu ilə yaradılan 1600 SC var. Onların 2-3%-i illik hesabatı mətbuatda açıqlayır. Birjanın listinqində bir şirkət var. Ermənistanda 2013-cü ildə birjada 14, Gürcüstanda 133, Qazaxıstanda 78, Qırğızıstanda 19, Rusiyada 650, Ukraynada 175 şirkətin qiymətli kağızları kotirovka olunub. 08D