Səhmdarlar ədalətli kompensasiya tələb edir

“Bakı Quşçuluq” ASC-nin ləğvetmə prosesi dalana dirənib. Ləğvetmə balansı qəbul edilib, amma minoritarlar onu qanunsuz və ədalətsiz hesab edir. Bu gün səhmdarlardan biri mətbuat konfransı keçirib majoritarı izləri silməkdə ittiham edib. 

Səhmdar şahin Əlizadə bildirib ki, 2011-ci ilin sentyabrında ümumi yığıncaq “Bakı Quşçuluq” ASC-nin ləğvi barədə qərar qəbul edib. Buna qədər – avqustda SC-nin rəhbərliyi 30 ha torpağın “AAAF-İnşaat” MMC-yə satılması barədə alqı-satqı müqaviləsi bağlayıb. Ləğvetmə komissiyası  7% səhmə malik minoritarlarla hesablaşma prosesini tezcə başa çatdırmağa tələsib. Amma səhmdarlar torpağın satışı barədə müqavilənin qəsdən endirilməsindən narazı qalıb. Müqavilədə 1 sot torpaq 3 min manat qiymətləndirilib. Amma “AAAF-İnşaat” onu 15 min manatdan satıb. Şahin Əlizadənin sözlərinə görə, minoritarlara ya ədalətli kompensasiya, ya da torpaq sahəsi verilməlidir. Səhmdarların fikrincə, nominalı 2 manat olan səhmlərin ləğvetmə qiymətinin 12 manat olması ədalətli deyil. Bir sıra əldən düşmüş səhmdarlar öz payını bu qiymətlə alıb. Hazırda majoritar - “Xəzər Menecment Sistems”lə 2% səhm sahibləri mübarizə aparır. 

Əlizadə hesab edir ki, majoritarın arxasında Beynəlxalq Bankın rəhbəri Cahangir Hacıyev durur. Bu prosesdə o, onları Ağır Atletika Federasiyasının prezidenti Cahangir Əsgərovla üz-üzə qoymaq istəyir. Məhkəmə “Bakı Quşçuluq” ASC-nin hüquqi şəxslərin dövlət reyestrindən çıxarılmasına və səhmlərin çıxarılmasına qadağa qoyub. «Əgər ali məhkəmə instansiyaları bu qərara yenidən baxsa, minoritarlar  cavabdeh kimi “AAAF-İnşaat”ı məsuliyyətə cəlb edəcək, ziyanın ödənilməsini tələb edəcək», deyə səhmdar bildirib. --0--