Sənayedə durğunluq davam edir

Bu ilin dörd ayında Azərbaycanda sənaye istehsalının həcmi 11 275 mln. manat təşkil edib ki, bu da 2012-ci ilin həmin dövrü ilə müqayisədə 0,7% azdır. Bu barədə Turan-a Dövlət Statistika Komitəsindən məlumat verilib.

Sənayenin 2250 mln. manatlıq göstərici ilə qeyri-neft sektorunun xüsusi çəkisi 20% təşkil edib. Qeyri-neft sektorunda 2,8% artım, neft sektorunda 1,5% azalma qeydə alınıb.

Dövlət müəssisələri 2,3 mlrd. manat məbləğində məhsul buraxıblar ki, bu da 2012-c ilin həmin dövrünün göstəricisindən 7,8% çoxdur. Qeyri-dövlət sektorunda sənaye istehsalının həcmi (9 mlrd. manata yaxın) 2,6% azalıb. Hasilat sənayesində istehsalat 2,3% azalıb. Hasilat sənayesinin payına 8 362 mln. manat və ya sənaye istehsalının 74,1%-i düşüb.

Emal sənayesində ümumi məbləği 2 177 mln. həcmində məhsul istehsal edilib ki, bu da 2012-ci ilin yanvar-aprel aylarında olduğundan 10,2% çoxdur. Emal sənayesində istehsalatın əsas hissəsi qida sahəsinin ((854,4 mln. manat +4,7%), neft məhsulları (689,5 mln. manat +13,4%), inşaat materialları (105,1 mln. manat +25,5%,) metallurgiya (103,1 mln. manat +24,4%) payına düşüb.

Bəzi sahələrdə (hazır metalprokat, rezin və plastmas məmulatlar, maşın və avadanlıqlar, elektrik avadanlıqları, ağac emalı v s.) məhsul istehsalını azalması qeydə alınıb.08D