Sentyabr ayinda İMB -da qiymətlər sabit olaraq qalib

Sentyabr ayında İlkin Mənzil Bazarında (İMB) qiymətlər orta hesabla sabit olaraq qalmışdır. Hal hazırda bazarda orta qiymət indeksi ötən ayda olduğu kimi 1 kv.metr üçün təxminən  820,3 manat civarında qərarlaşıb . Son bir ayda bazarın bu seqmenti üztə nisbi canlanma müşahidə edilmişdir. Lakin buna baxmayaraq hal-hazırda İMB-da alıcılıq qabiliyyəti orta həddən aşağı səviyyədədir. İMB-da ümumi tikinti işləri aparan şirkətlərin sayı 155-dir. Araşdırmalara əsaslanaraq qeyd etmək olar ki, alıcı kütləsi hazırda da 1 kv.m üzrə 500-600 manat arasında dəyişən yeni tikililərə üstünlük verməkdədir. Ümumiyyətlə, yеni tikililərdə 3 оtaqlı mənzillər daha çох üstünlük təşkil еdir. 5 оtaqlı mənzillər əsasən şəhərin 1 zоnasının, 1 оtaqlı mənzillər isə daha çох 3-cü zоnanın payına düşür. Qiymət azalması ötən rübün müvafiq dövrü ilə müqaisədə-1,3%, ötən ilə nisbətdə isə 5,6% qeydə alınmışdır. Ay ərzində ən cəlb edici rayonlar ötən ay olduğu kimi Yasamal, Xəyai və Nəsimi rayonları оlmuşdur. 

Ekspertlər sentyabr ayında aktivliyin artmasını əsasən yay mövsümündən sonra bir qayda olaraq tələbin artması ilə izah edirlər. Lakin buna baxmayaraq İlkin Mənzil Bazarındakı vəziyyət hələdə qənaətbəxş deyil. Mütəxəssislərdən biri vəziyyəti belə şərh etdi “ İlkin Mənzil Bazarında alıcılıq qabiliyyəti olduqca aşağı səviyyədədir, yeni tikilmiş binaların təhvil verilməsindən bir neçə il keçməsinə baxmayaraq mənzillərin çoxusunun hələdə böşdur”. Ekspertlər eyni zamanda İlkin Mənzil bazarında qiymətlərin reallığı əks etdirməməsini, sənədləşmə və kommunal xidmətlərin yaratdığı problemlər,  ipoteka şərtlərinin əlverişli olmaması və.s kimi problemlərində olduğunu vurğulayırlar. Yaxın günlərdə bazardakı sabitliyin davam edəcəyi proqnozlaşdırılır.