Sentyabrda tunel tikintisi üzrə ilk konqres-sərgi keçiriləcək

Sentyabrın 10-dan 11-dək Azərbaycanda ilk dəfə Beynəlxalq "Şəhər tunel və yeraltı infrastrukturlar" adlı konqres-sərgi keçiriləcək.

Tədbirin təşəbbüsçüsü olan Azərbaycan Tunelçilər Birliyidir. O, 2011-ci ildən Ümumdünya Tunel Assosiasiyasının üzvüdür. 

Konqresin aktuallığı şəhər ərazisindən səmərəli istifadə ehtiyacı ilə bağlıdır. Yeraltı məkandan rasional istifadə layihəçilər, memarlar, inşaatçılar, qazmaçılar, həmçinin şəhər icra hakimiyyəti, kommunal xidmətlər və bir sıra digər istiqamətlərin nümayəndələrində ciddi maraq doğurur. Bundan əlavə, yeraltı məkandan səmərəli və müasir şəkildə istifadə həm meqapolislər, həm də adi şəhərlər üçün son dərəcə vacib bir məsələyə çevrilir.

Yeraltı kommunikasiyalar sənayesinin inkişaf etdirilməsi əlavə investisiyalar tələb edir. Gələcəkdə yeraltı infrastrukturun mənimsənilməsi və inkişafı dünyanın bütün meqapolislərinin infrastruktur baxımından inkişafının ən əsas istiqamətlərindən biri olacağını vəd edir. Bu isə o deməkdir ki, xarici investorların cəlb edilməsi üçün tutarlı və perspektivli bir əsas var. 

Azərbaycan, Almaniya, Fransa, İspaniya, İtaliya, Rusiya, Ukrayna, ABŞ, Kanada, Koreya və digər ölkələrin alim və mütəxəssisləri, habelə maraq göstərən təşkilat və şirkətlər bu konqresdə iştirak edəcəklərini bildiriblər.

Konnqresdə 150 nümayəndə heyəti akkreditə olunub. 

Konqresdə ən son tədqiqatlar və ən yeni yaradıcı ideyalarla üst-üstə düşən mövzular müzakirə olunacaq (tunellərin çəkilməsi, ekoloji təhlükəsizlik; yeraltı texnologiyalarla bağlı layihələr sahəsində planlaşdırma, tədqiqatlar, ixtiralar; daşlı və yumşaq torpağın emalı texnologiyaları sahəsində ixtiralar; maliyyə risklərinin analizi; yeraltı tikililərin istismara verilməsi, cari təmiri, bərpası, yenidən qurulması və təmiri; seysmik cəhətdən davamlı tikililər; geoloji və geotexniki tədqiqatlar; yer qazıma texnikası; mikrotunellər və tranşeyasız texnologiyalar; torpağın korreksiyası).

«JW Marriott Absheron Baku» otelindəki konqreslə yanaşı sərgi də keçiriləcək. Orada aparıcı iştirakçı şirkətlər ən yeni avadanlıqlar, layihələr və tunel tikintisi texnologiyaları nümayiş etdirəcəklər. 

Tədbirin təşkilati tərəfdaşı "Iteca Caspian LLC" şirkətidir.08D