Dövlətstatkom istehlak bazarının vəziyyəti barədə məlumatları açıqlayıb. Ona əsasən, mayda başlayan deflyasiya «mövsümündən» sonra yenidən 0,1% inflyasiya qeydə alınıb.
Rəsmi hesablamalara görə, ərzaq 0,1%, qeyri-ərzaq malları 0.2% bahalanıb. Xidmət tarif və qiymətləri avqust səviyyəsində qalıb.
İllik hesablamada ərzaq 2,2%, qeyri-ərzaq malları 0,5%, xidmət tarif və qiymətləri 3,4% bahalanıb. İlin əvvəlindən alternativ hesablama aparılmır. Bir qayda olaraq, rəsmi və alternativ inflyasiya hesablaması arasında fərq olurdu: DSK daha kiçik rəqəmlər göstərirdi.
DSK əməkdaşlarının müşahidələrinə görə, sentyabrda çörəyin, qarabaşaq yarmasının, almanın, armudun, heyvanın, narın, üzümün, qozun, fındığın, şabalıdın, bibərin, kələmin, çuğundurun, kökün, göyərtinin, soğanın, sarımsağın, şəkər və şəkər tozunun qiymətlərində ucuzlaşma olub.
Sentyabrda statistika mal və qoyun ətinin, toyuq ətinin, kolbasa məmulatlarının, düyünün, makaronun, süd və süd məhsullarının, yumurtanın, kərə yağının, kartofun, göy lobyanın, badımcanın, limonun qiymətlərində bahalaşma qeydə alıb.
Qeyri-ərzaq mallarından minik avtomobilinin, inşaat materiallarından parketin, sementin qiymətləri ucuzlaşıb. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz