Nazirlər Kabineti oktyabrın 24-də torpaq sahələrinin dövlət ehtiyacları üçün alınması ilə bağlı qərar qəbul edib. Bu dəfə alan orqan Dövlət Sərhəd Xidmətidir.
Nazirlər Kabinetinin saytında verilən məlumata görə, 4,78 hektar torpaq sahəsi sərhədboyu zolaqda dövlət sərhədinin etibarlı mühafizəsinin təmin edilməsi məqsədi ilə dövlət ehtiyacları üçün alınıb. Torpaq Qazax rayonunun İkinci Şıxlı kəndində "Sınıq körpü" sərhəd keçid məntəqəsinin ətrafındadır. Bu torpaq Qazax şəhərinin 14 sakininin istifadəsindədir.
Nazirlər Kabineti DSX-ya tapşırıb ki, torpaq sahələrinin dövlət ehtiyacları üçün alınması ilə bağlı hazırlıq tədbirlərini "Torpaqların dövlət ehtiyacları üçün alınması haqqında" Azərbaycan Respublikası Qanununun tələblərinə uyğun olaraq həyata keçirsin və Nazirlər Kabinetinə təqdim etsin.
Bu il Nazirlər Kabineti Nəqliyyat Nazirliyi, Bakı Meropoliteni, “Meliorasiya və Su Təsərrüfatı” ASC və başqa orqanlar üçün torpaq alınması barədə qərar verib. 08D
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz