Sərnişinlər icbari sığortadan kənardadırlar

İcbari Sığorta Bürosunun üzvü olan sığorta şirkətləri yanvar-martda avtonəqliyyat vasitələri sahiblərinin mülki məsuliyyətinin icbari sığortası üzrə 159 min 933 müqavilə bağlayıb. Təkcə Bakıda 800 min avtonəqliyyat vasitəsi var. 

Büronun məlumatına görə (http://www.isb.az), bu növ üzrə 11 mln 872,58 min manat yığılıb. Daşınmaz əmlak üzrə 21 min 356 müqavilə üzrə 2,45 mln manat mükafat olub. Daşınmaz əmlak sahiblərinin mülki məsuliyyətin icbari sığortası üzrə 880 müqavilə (73,66 min manat) olub. Sərnişinlərin icbari sığortası üzrə müqavilə qeydə alınmayıb. 

I rübdə bu növlər üzrə 182 min 169 müqavilə bağlanılıb, 14 mln 395 min 451 manat mükafat olub. 

Dövlət Sığorta Nəzarəti Xidmətinin rəhbəri Namiq Xəlilovun sözlərinə görə, sərnişinlərin sığortasının unudulmasının izahı yoxdur. «Qanunvericiliyə görə, müqavilə sərnişinlərlə fərdi qaydada yox, nəqliyyat vasitələrinin sahibləri ilə imzalanır. Tariflər yer sayından aslıdır və bir illik bağlanılır». 

Sərnişçin biletinin olub-olmamasından asılı olmayaraq, YNH zamanı bütün zərər çəkən sərnişinlər sığorta ödənişi alır. Hava nəqliyyatında bir yer üçün 14 manat, gəmilərdə 5 manat, dəmir yolu nəqliyyatında 3 manat, avtobus və taksilərdə 6 manatdır. 

İcbari Sığorta Bürosunun rəsmi cədvəli:

İcbari sığorta növü Müqavilə sayı Sığorta haqları (manatla) 

Yeni AVSMMİS 159 933 11 mln 872,58 min. 

Daşınmaz əmlakın sığortası 21 356 2 mln 449,22 min 

Daşınmaz əmlak sahiblərinin mülki məsuliyyətin icbari sığortası 880 73,66 min 

Sərnişinlərin fərdi sığortası - - 

Cəmi 182 169 14 mln 395,45 min. --17D—