Dövlət Sığorta Nəzarəti Xidmətinin məlumatına görə, yanvar-noyabrda sığorta şirkətləri 368 mln 879,55 min manat mükafat yığıb. Bu, ötən ilin eyni dövründəkindən 55,91 mln və ya 15,2% çoxdur. Artım korporativ və icbari növlər hesabınadır.
Lider “Paşa Sığorta” 48,95 mln manat toplayıb. Bu, ötən ilin eyni dövründəkindən 8,88 mln çoxdur və ümumi mükafatların 13,3%-dir. Bu şirkətin xüsusi çəkisi ay ərzində 0,3% artıb. Onun törəməsi “Paşa həyat Sığorta” 32,96 mln manat toplayıb.
“AzərSığorta” 37,81 mln manat (ay ərzində 4 mln artım) mükafat yığıb.
“AzSığorta” 39,06 mln manatla ikincidir.
Daim üçüncü olan “Atəşgah” (34,24 mln manata qarşı 33,95) 4-cü yerə düşüb. Həyat sığortası üzrə sabiq lider “Atəşgah Həyat Sığorta” 22,22 mln-la rəqibindən geri qalır.
Onluğun aşağısında kiçik rotasiya var. “Standard Insurance” 16,9 mln manat, “İpək yolu Sığorta” 16,39, AXA MBASK 16,19, Beynəlxalq Sığorta Şirkəti 12,59 mln manat mükafat yığıb.
Ödənişlərdə “Paşa Sığorta” liderdir. Hesabat dövründə o, 25,24 mln manat ödəniş edib. Ümumi kompensasiyaların 22,84%-i onun payına düşüb. Onun mükafatları və ödənişlərinin çoxu KTS üzrədir.
Sığorta şirkətləri 11 ayda 110,48 mln manat kompensasiya edib. Bu, ötən ilin eyni dövründəkindən (82,54 mln) 27,9 mln manat çoxdur. --17D—
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz