Sığorta nəzarəti xidməti «Elektron hökumət»ə əlavə edilə bilər

Maliyyə Nazirliyinin xidməti «Elektron hökumət» xidməti siyahısına (EHDIS) düşə bilər. Maliyyə Nazirliyinin Dövlət Sığorta Nəzarəti Xidmətinin rəisi Namiq Xəlilov jurnalistlərə bildirib ki, rəhbərlik etdiyi qurum öz elektron xidmətini bu informasiya sisteminə inteqrasiya edə bilər (http://ehdis.az/infoportal/dispatcher?page=mainpage&actp=mp0&lang=az). 

Maliyyə Nazirliyinin portalında xidmətdən sığorta şirkətlərində rəhbər vəzifələrə namizəd şəxslər, sığorta vasitəçiliyi ilə məşğul olmaq istəyənlər istifadə edə bilər. www.maliyye.gov.az ünvanında onlar müvafiq pəncərədə elektron ərizə verə bilərlər. İmtahanların nəticələri orada və Sığorta Nəzarəti Xidmətinin saytında verilir. 

«Elektron hökumət»in informasiya sisteminə çıxış elektron ərizə yazıb kod, parol və şifrə alandan sonra mümkün olacaq. Əgər əvvəllər (2009-cu ilin martından bu ilin əvvəlinə kimi) sığorta agenti lisenziyası almaq üçün attestasiyaya maraq böyük idisə, indi obyektiv səbəblərdən azalır, deyə Xəlilov düşünür. 

Bu gün ölkədə 400 sığorta agenti və onlarla sığorta agentliyi var, – deyə o, əlavə edib. --17D—