Ştefan Füle: Azərbaycan toplaşmaq və media azadlığı sahəsində vəziyyəti yaxşılaşdırmalıdır
Noyabrın 23-də Brüsseldə Genişlənmə və Avropa qonşuluğu məsələləri üzrə Avropa Komissarı Ştefan Fülenin Azərbaycan xarici işlər nazirinin müavini Mahmud Məmmədquliyevlə görüşü keçirilib.
Avropa İttifaqının Bakı ofisinin press-relizinə əsasən, tərəflər ikitərəfli münasibətlər məsələlərini müzakirə edərək, onları genişləndirmək və dərinləşdirmək istəklərini ifadə ediblər.
Avropa Komissarı qeyd edib ki, Avropa İttifaqı Azərbaycanın Avropa Qonşuluq Siyasətinə uyğun olaraq demokratik islahatları dərinləşdirməsinə maraqlıdır.
Energetika sahəsində əməkdaşlığın inkişafını alqışlayan Füle qeyd edib ki, insan hüquqlarına hörmət və demokratik prinsiplərin təmin edilməsi daha əhəmiyyətlidir. Son aylar bu istiqamətdə müəyyən pozitiv addımlar olmasına baxmayaraq, hələ çox şey yaxşılaşdırılmalıdır. Seçki qanunvericiliyi, toplaşmaq və media azadlığının təmin edilməsi ən böyük səylər tələb edən sahələrdir”, deyə o bildirib. -0-
Siyasət
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
Rəy yaz