Bu gün Avropa Şurasının Bakı ofisində AŞPA-nın Azərbaycan üzrə həmməruzəçiləri Pedro Aqramunt və Cozef Qreş Reportyorların Azadlıq və Təhlükəsizliyi İnstitutunun direktoru Emin Hüseynov, “Azadlıq” qəzetinin baş redaktorunun birinci müavini Rahim Hacıyev və “Haqqım.az” saytının rəhbəri Eynulla Fətullayevlə görüşüblər. Görüşdə media və İnternet azadlığı məsələləri ətrafında fikir mübadiləsi aparılıb. Bu barədə Turan-a “Azadlıq” qəzetinin baş redaktorunun birinci müavini Rahim Hacıyev bildirib.
R.Hacıyev həmməruzəçilərə mətbuata təzyiqlərdən və “Azadlıq” qəzetinin problemlərindən danışıb.
RATİ direktoru Emin Hüseynov İnternet azadlığına təhdidlər barədə məlumat verib. Bildirib ki, RATİ insan hüquqları, internet azadlığı haqında kitab hazırlayıb, lakin kitabın BMT-nin Bakıda keçirilən İnternet İdarəçiliyi Forumunda yayılmasına imkan verilməyib.
E. Fətullayev isə deyib ki, başqa azadlıqlarla bağlı problemlər olsa da İnternet azadlığı sahəsində durum normaldır. Onun fikrincə, çap mediası sahəsində ciddi problemlər mövcuddur.
C.Qreş isə bildirib ki, Azərbaycanda insan hüquq və azadlıqları ilə bağlı problemlər var: “Bu problemlərin həlli üçün əlimizdən gələnləri edəcəyik”, - o qeyd edib.-03B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz