Daşınmaz Əmlakın Dövlət Reyestri Xidmətinin zona idarələri bundan sonra hər gün sənəd qəbul edəcək. Bu addımda məqsəd müraciətlərə operativ baxılmasıdır, deyə Əmlak Məsələləri Dövlət Komitəsində Turan-a bildiriblər.
Xidmətin bir sıra zona idarələrində (Bakı, Abşeron, Sumqayıt, Gəncə və Xaçmaz) «elektron növbəlilik» tətbiq ediləcək
ƏMDK-də həmçinin qeyd ediblər ki, ilk olaraq xidmətin ərazi idarələrinin strukturu təkmilləşdirilir, Bakı Şəhər Ərazi İdarəsinin yeni filialları yaradılır. Belə ki, Yasamal, Suraxanı, Nəsimi, Nizami və Səbail rayon qeydiyyat şöbələri yaradılıb.
Bundan başqa, artıq ərazi qeydiyyat idarələrində əmlaklara dair arayışlar 5 gün əvəzinə 1 gün ərzində, təkrar bazardan keçmiş əmlaklara dair reyestrdən çıxarışlar isə 20 gün əvəzinə 7 gündən gec olmayaraq təqdim edilir.
Bu ilin mayından Daşınmaz Əmlakın Dövlət Reyestri Xidməti məhdudiyyət haqqında arayışların verilməsi və təkrar bazardan qayıdan əmlakların qeydiyyatı üzrə elektron xidmət göstərir. Noyabrın 1-ə kimi 700 belə müraciət qəbul edilib. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz