![Hüquq müdafiəçiləri AŞPA həmməruzəçiləri ilə görüşüblər](https://turan.az/resized/media/2012/main/112800019667-750-500-resize.webp)
Hüquq müdafiəçiləri AŞPA həmməruzəçiləri ilə görüşüblər
AŞPA-nın Monitorinq Komitəsinin həmməruzəçiləri Pedro Aqramunt və Cozef Qreş çərşənbə günü bir qrup hüquq müdafiəçisi və vətəndaş cəmiyyətinin fəalları ilə görüşüblər.
Görüşdə Arzu Abdullayeva, Novella Cəfəroğlu, Səidə Qocamanlı, Səadət Bənənyarlı, Eldar Zeynalov, Emin Hüseynov, Fuad Həsənov, Oqtay Gülalıyev, Samir Kazımlı, Elçin Behbudov, Razi Nurullayev və Rafiq Cəlilov (Hilal Məmmədovun hüquqlarını Müdafiə Komitəsinin həmsədri) iştirak ediblər.
Görüşdə həmçinin Amnesty International-ın sədri Natali Notadze iştirak edib.
Helsinki Vətəndaş Assambleyası Azərbaycan Milli Komitəsinin rəhbəri Arzu Abdullayeva Turan-a bildirib ki, görüş zamanı siyasi məhbuslar probleminə və toplaşma, ifadə, mətbuat azadlığının pozulmasına xüsusi diqqət yetirilib. Hüquq müdafiəçiləri qeyd ediblər ki, islamçıların siyasi məhbus kimi tanınması ilə bağlı vahid rəyləri yoxdur. Buna baxmayaraq, həbsdəki islamçıların sayı 250-yə yaxındır ki, bu da “vicdan məhbusları” və siyasi məhbusların sayından bir neçə dəfə çoxdur.
Onlardan çoxunun işinə pozuntularla baxılıb, onlar hicaba qadağanın əleyhinə etiraz aksiyalarında iştiraka görə həbs olunublar.
Hüquq müdafiəçiləri hesab edirlər ki, AŞPA-nın həmməruzəçiləri islamçıların cinayət işinin araşdırılmasında ədalətliliyə və qanunçuluğa nail olmalıdır.
Məruzəçilər bildiriblər ki, dekabrın 10-da hesabatın ilkin variantını açıqlayacaqlar. Bundan sonra hüquq müdafiəçiləri öz fikirlərini söyləyə bilər. Bu fikirlər AŞPA-nın 2013-cü il yanvar sessiyasına təqdim ediləcək yekun variantda nəzərə alınacaq.—06D-
-
- İqtisadiyyat
- 28 Noyabr 2012 14:18
-
- İqtisadiyyat
- 28 Noyabr 2012 14:24
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz