Siqaret ucuzlaşır – Azərbaycan gömrüyündə

2015-ci ildə neftin qiyməti ucuzlaşandan sonra gömrükdə başlanılan icbari şəffafıaşma fonunda Azərbaycanın tütün bazarında birmənalı olmayan proseslər gedir.

Məsələ bunasındadır ki, daxili bazarda siqaret manatın devalvasiyasından əvvəlikndən iki dəfə baha satılır. Yəni idxalçılar əvvəlki gəlir səviyyyəsindən imtina etməyib və inflyasiya yükü istehlakçının çiyninə qoyulub. Eyni zamanda Azərbaycan gömrüyündə siqaretlərin orta idxal qiyməti 2016-cı ildə 49,8 sentdən (2015-ci il)  31,5 sentə düşüb, yəni 36,8% ucuzlaşıb.

Gömrük Komitəsinin məlumatına görə, 2016-cı ildə siqaret idxalçılarının rəsmi xərcləri $146,9 mln, 2015-ci ildəkindən $111 mln az olub.

Azərbaycanda rəsmi siqaret idxalçıları “AMD Trade”, “İmeks”, “Krokus ltd”, eləcə də bu yaxınlardan “Aksin-N” MMC-dir. Maraqlıdır ki, bu şirkətlər Standartlaşdırma, Metrologiya və Patent üzrə Dövlət Komitəsinə planlaşdırılan siqaret idxalı həcmi barədə azaldılmış məlumat verirlər.

Bu ilin yanvarındakı siqaret həcmi barədə məlumat hələ yoxdur. Yalnız o məlumdur ki, tütün və tütün məmulatı idxalı həcmi 7,4 mln, yəni ötən ilin eyni dövründəkindən 2 mln çox olub. Ehtimal ki, bu, əsasən emal edilmiş tütündür. Ötən il onun istehsalı əkin sahələrinin artması hesabına yüksəlib. 08B