Şirə istehsalçılarının göstəriciləri pisləşib

İlin I yarısında Azərbaycanda 1 578,4 min dekalitr (dal) meyvə şirəsi istehsal olunub, deyə Dövlətstatkomda Turan-a bildiriblər. Son illər ümumi artım olsa da, bir çox şirə istehsalçılarının göstəriciləri pisləşib.

İlin əvvəlindən 160,5 min dal nar şirəsi, 842,5 min dal multivitamin, 26 min dal alma şisrəsi və s. Istehsal edilib. 

Ötən il Balakəndə “BalaCans” MMC fəaliyyətini dayandırıb. Şirkət 2012-ci ildə 140,6 min dekalitr şirə istehsal etmişdi. Qəbələdəki “Gilan Qəbələ Konserv Zavodu” istehsalı azaldıb (-15,8%). DSK-nın məlumatına görə, Qəbələdə 645,1 min dal (6451 ton) şirə istehsal edilib.. “Gilan” 2011-ci ildən leqal istehsal həcmini gizlədir. O vaxt istehsal həcmi 1 mln 92 min dal olub. 2012-2013-cü illərdə vergi orqanlarına bəyan edilən istehsal həcmi 41% azalıb. 7 istehsal xəttinin gücü nəzərə alınanda (ildə 210 min ton) açıqlanan həcm cüzi görünür.

2013-cü ildə 2 istehsalçı olan Göyçayda  (“AzNar” və “M-Pro”) 261,9 min dal şirə istehsal olunub. Bu, 2012-ci ildəkindən 2,4 dəfə çoxdur. Amma 2011-ci ildəki rekorda (300,6 min dal) çox qalıb.

Ağsudakı şirkə zavodları da istehsalı artırır. Qısa müddətə “Az-Granata” MMC lider mövqeyə çıxıb. Ötən il bu rayonda 546,6 min dal şirə istehsal edilib. Bu, 2012-ci ildəkindən (461,7 min dal) 18,3% çoxdur.

Gömrük Komitəsi Azərbaycandan 4 min 290,8 dal şirə ($4 mln 887 min) ixrac edildiyini bildirir. Bu rəqəmlər elan edilən istehsal həcmindən 2,7 dəfə çoxdur. 6 ayda ölkəyə 2 min 659,2 dal şirə və konsentrat gətirilib. 1 litr şirə gömrükdə $1,21-a bəyan edilir.

Pərakəndə satışda 1 litr meyvə şirəsi və nektar 0,90-4 manatdır.

Dövlətstatkoma görə, Azərbaycanda adambaşına illik şirə istehlakı 2,4 kq-dır. Yəni illik tələbat 22,8 min tondur (2 mln 280 min dal). Əhalinin illik istehlak balansına əsasən, 2013-cü ildə ölkədə 28,6 min ton meyvə və tərəvəz şirəsi istifadə edilib. Bu, 2012-ci ildəkindən 4,3% azdır. 

2011-2013-cü illərdə Azərbaycanda meyvə şirəsi istehsalı: (min dal)

08B