İqtisadiyyat və Sənaye Nazirliyinin (İSN) Sahibkarlığa Kömək Milli Fondu (SKMF) Masallı rayonunda prioritet kreditləşmə sahələrini müəyyən edib.
Fondun məlumatında deyilir ki, burda "yaşıl market"in, ət kəsimi, plastik qapı-pəncərə və üzlük daş istehsalı müəssisələrinin, istixana və cins heyvandarlıq təsərrüfatlarının yaradılması üzrə nümunəvi investisiya layihələrinin kreditləşməsi məqsədəuyğun sayılıb.
"Sahibkarlar Fondda müvafiq məsləhətlər də ala bilərlər. SKMF layihənin qiymətinin 100%-i qədər kredit verə bilər", - deyə məlumatda bildirilir.
SKMF 1992-ci ildə yaradılıb. 2002-ci ildən fəal şəkildə kredit verməyə başlayıb. Kreditlər 46 müvəkkil bank və qeyri-bank kredit təşkilatı vasitəsilə verilir. 2013-ci ildə Fond 4500 layihəyə 275 mln manat güzəştli kreditlər verib. 2014-cü ildə SKMF xətti ilə sahibkarlığın güzəştli kreditləşməsinin həcmi 280 mln manata çatacaq. --17D—
İqtisadiyyat
-
Azərbaycan Mərkəzi Bankının məlumatına görə, Azərbaycanın birbaşa xarici investisiyalar (BXİ) portfelində ilin birinci yarısında neft-qaz sektoru üstünlük təşkil etməkdə davam edib və 3 milyard ABŞ dolları həcmində ümumi BXİ daxilolmalarının 80,4%-ni cəlb edib.
-
Sentyabrın 12-də keçirilən “Azərbaycanda yaşıl tikinti təşəbbüsü” adlı Bakı seminarı ölkədə dayanıqlı tikintiyə artan diqqəti vurğulayır. Dövlət Şəhərsalma və Arxitektura Komitəsinin Beynəlxalq Maliyyə Korporasiyası (IFC) ilə birgə təşkil etdiyi tədbir həm dövlət, həm də özəl sektordan olan əsas maraqlı tərəfləri bir araya gətirərək, ekoloji cəhətdən şüurlu tikinti təcrübələrinə artan milli öhdəliyi əks etdirir.
-
Azərbaycan Mərkəzi Bankı (AMB) bu gün 2024-cü ilin birinci yarısının maliyyə yekunlarına dair brifinq keçirib, ölkənin iqtisadi sağlamlığına və onun xarici balansına təsir edən əsas göstəricilərə işıq salıb. Tədbirdə AMB-nin statistika departamentinin direktoru Samir Nəsirov cari əməliyyatlar hesabının profisiti, xarici investisiyalar və digər mühüm göstəricilər barədə məlumat verib.
-
2024-cü il sentyabrın 11-də Baş nazir Əli Əsədovun rəhbərliyi ilə Azərbaycanın İqtisadi Şurasının 2025-2028-ci illər üzrə dövlət və icmal büdcə layihələrinə baxılması üçün iclası keçirilib. Əsas maliyyə-iqtisadi məsələlərə həsr olunmuş iclasda qlobal iqtisadi tendensiyalar, 2024-2028-ci illər üçün makroiqtisadi proqnozlar və növbəti illər üçün ölkənin fiskal siyasəti müzakirə edilib.
Rəy yaz