Sahibkarlığa Kömək Milli Fondu (SKMF) yanvar-mart ayları üzrə hesabat verib.
Fondun kreditlərinin çoxu (58%) kənd təsərrüfatı məhsulları istehsalı və emalı məqsədi ilə verilib. Bu sahədə 1245 layihəyə 24,1 mln manat ayrılıb.
Sənaye məhsulları istehsalı və emalı məqsədi ilə 16 layihəyə 2,4 mln manat (kreditlərin 5,9%-i) yönəldilib. İki infrastruktur layihəsi hökumətə 15 mln manata (36,1%) başa gəlib.
Ümumi həcmin 98,8%-i kiçik kreditlərdir. Amma qiymət ifadəsində (13,5 mln manat) o, iri kreditlərə uduzur. 10 iri kreditə (0,8%) 26,5 mln manat və ya vəsaitlərin 63,9%-i ayrılıb. Kiçik kreditlər 32,6%, orta kreditlər 3,5% paya malikdir.
İlin sonu üçün SKMF qaytarılan kreditlər hesabına 130 mln manat ayıracaq, dövlət büdcəsindən əlavə 100 mln manat alacaq. Fond cəmi 1 mlrd 747 mln manat toplamaq istəyir. Bunun 931 mln-u büdcə vəsaitləridir.
SKMF 1992-ci ildə yaradılıb. Kreditlər 45 müvəkkil bank və qeyri-bank kredit təşkilatı vasitəsilə verilir. --17D—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz