![Ş.Mustafayev: 2015-ci ildə regionlara 3,6 milyard manat yönləndirilib](https://turan.az/resized/./turan-750-500-resize.webp)
- İqtisadiyyat
- 26 Yanvar 2016, 18:43
- 37
Ş.Mustafayev: 2015-ci ildə regionlara 3,6 milyard manat yönləndirilib
2015-ci ildə Azərbaycanın regionalarının inkişafı üçün bütün mənbələrdən 3,6 milyard manat yönləndirilib. İqtisadiyyat naziri Şahin Mustafayev bunu 2014-2018-ci illərdə regionların sosial-iqtisadi inkişafı üzrə Dövlət Proqramının reallaşdırılmasının ikinci ilinin yekunları ilə bağlı konfransda söyləyib.
“2015-ci ildə Azərbaycanda respublika və yerli əhəmiyyətli 400 km yol, 12 körpü və keçid tikilib və ya təmir edilib. 245 yaşayış məntəqəsini birləşdirən kənd yerlərində 590 km yol çəkilib”, deyə Ş.Mustafayev bildirib.
Onun sözlərinə görə, il ərzində regionlarda iki elektrik stansiyası istismara verilib, 1289 transformator, 20 yarımstansiya qurulub və təmir edilib, 8,2 min kilometrdən çox elektrik xətti, 12,5 min km qaz xətti çəkilib, 43 rayonun 430 yaşayış məntəqəsi təbii qazla təmin edilib, qazlaşdırma ölkədə 90, o cümlədən regionlarda 80 faizə qalxıb.
Nazirin sözlərinə görə, 175 min əhalisi olan 4 şəhərdə su təchizatı üzrə layihə işləri keçən il başa çatıb, 750 km su xətti, 391 km kanalizasiya xətləri çəkilib.
Sənayenin inkişafı haqda danışan Ş.Mustafayev bildirib ki, 2015-ci ildə 270-ə yaxın sənaye müəssisəsi, o cümlədən texniki avadanlıqlar, iriqabaritli transformatorlar, metal konstruksiyalar və s. istehsalı üzrə zavodlar açılıb.
“Keçən il Mingəçevir sənaye parkının tikintisinə başlanıb, Neftçala sənaye parkının sahibkarları isə 380 iş yeri açmağa imkan verən 7 layihə üzrə müəssisələr yaradılmasına üç ay ərzində 20 milyon manat sərmayə yatırıblar”, - deyə nazir qeyd edib. -05D-
-
- Siyasət
- 27 Yanvar 2016 09:34
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz