Aprelin 19-da SOCAR-ın yeni təyin olunmuş vitse-prezidentinin təqdim olunma mərasimi keçirilib.
Şirkətin prezidenti Rövnəq Abdullayev çıxışında deyib ki, prezident İlham Əliyevin 17 mart 2016-cı il tarixli “Azərbaycan Respublikası Dövlət Neft Şirkətinin strukturunun təkmilləşdirilməsi haqqında” Fərmanna əsasən, şirkətin idarəetmə strukturunda birinci vitse-prezident ştatı yaradılıb. Bundan başqa, neftin, qazın nəqli və qaz təsərrüfatı məsələləri üzrə, eləcə də geologiya və geofizika məsələləri və yataqların işlənməsi üzrə vitse-prezident ştatları da yaradılıb.
Prezidenti İlham Əliyevin aprelin 18-də imzaladığı sərəncamlarla yeni yaradılmış birinci vitse-prezident vəzifəsinə Xoşbəxt Yusifzadə, neftin, qazın nəqli və qaz təsərrüfatı məsələləri üzrə vitse-prezident vəzifəsinə Rəhman Qurbanov, geologiya və geofizika məsələləri üzrə vitse-prezident vəzifəsinə Bəhram Hüseynov, yataqların işlənməsi üzrə vitse-prezident vəzifəsinə isə Yaşar Lətifov təyin olunub.
Beləliklə, hazırda SOCAR-ın vitse-prezidentlərinin ümumi sayı 12 nəfərə çatıb. Bəhram Hüseynov bundan öncə Xoşbəxt Yusifzəadənin geologiya məsələlri üzrə asistenti, Yaşar Lətifov isə R. Abdullayevin AÇQ məsələləri üzrə asistenti işləyiblər. Hər ikisi vaxtilə BP-Azərbaycan şirkətində menecer vəzifəsində çalışıblar.
Rövnəq Abdullayev bu dəyişikliklərin SOCAR-ın idarəetmə aparatının müasir tələblərə uyğunlaşdırılması istiqamətində atılan addımlardan biri olduğunu söyləyib. 12/08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz