ARDNŞ şirkəti (Azərbaycan Respublikası Dövlət Neft Şirkəti) yaxın vaxtlarda Azərbaycan Beynəlxalq Bankından (ABB) ilk kredit tranşı alacaq.
Bu barədə cümə axşamı jurnalistlərə ARDNŞ-in iqtisadi məsələlər üzrə vitse-prezidenti Süleyman Qasımov deyib.
O deyib ki, kreditin ümumi həcmi 1,86 milyard manat təşkil edəcək: "Kreditin 1,26 milyard manatı Heydər Əliyev adına Neft Emalı Zavodunun modernləşdirilməsi işlərinə, 600 milyon manat isə "Bulla Dəniz" və "Günəşli"də qazma işlərinə sərf olunacaq".
Onun sözlərinə görə, bununla əlaqədar Nazirlər Kabinetinin müvafiq qərarı var. Dövlət zəmanəti qismində Maliyyə Nazirliyi çıxış edir.
O, qeyd edib ki, müqavilələr artıq imzalanıb, müəyyən texniki məsələləri həll etmək qalıb: "ABB-nin birinci kredit tranşı çərçivəsində NEZ-in yenidən qurulmasına 50-60 milyon manat, qazma işlərinə isə təqribən 200 milyon manat ayrılıb.
"Hər iki kredit uzunmüddətlidir. Zavodun modernləşdirilməsinə ayrılan kredit təqribən 13 il müddətinə hesablanıb, bunun ilk 3 ili güzəştlidir. Qazma işlərinin aparılması üçün ayrılmış kredit isə 5-6 il müddətinə nəzərdə tutulub".
Əvvəllər SOCAR prezidenti Rövnəq Abdullayev bildirmişdi ki, H.Əliyev adına NEZ-in modernləşdirilməsi 2018-ci ildə başa çatacaq.
Yenidənqurmadan sonra NEZ-in gücü 6 mln-dan 7,5 mln tona çatacaq. –0--
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz