Azərbaycanın Dövlət Neft Şirkəti (SOCAR) fevralın 5-də "Petkim" neft-kimya layihəsindəki 3,4%-lik səhm paketini satışa çıxarır. Bu haqda Türkiyənin “Bu gün” dərgisi məlumat yayıb. Məlumatı SOCAR-dan da təsdiqləyiblər.
Türk mediasının xəbərlərinə görə, “BCM Global Fund Ltd” şirkəti SOCAR-ın payının alıcısı iddiasındadır.Satışa 34 mln səhm çıxarılacaq ki, bunların da hər birinin nominal qiyməti 4 lirədir (136 mln TL və ya təqribən $56,6 mln).
Qeyd edək ki, “Petkim”in səhmlərinin satışa çıxarılması haqda məlumat yayılandan sonra onun səhmlərinin qiyməti hərraclarda 2 bənd artıb.
Buna səbəb biznesin holdinqə olan marağıdır. Belə ki, ”Petkim” 2014-cü ili 2013-cü ilə nisbətən mənfəət baxımından uğurla başa vurub. Bu haqda hələ rəsmi məlumat olmasa da, ancaq ilin I yarısının göstəricilərinə əsasən deyə bilərik ki, holdinqin dövriyyəsi 2,44 mlrd TL təşkil etmişdi, onun mənfəəti isə 2013-cü ilin eyni dövrü ilə müqayisədə 11 dəfə artmışdı.
Turan başqa bir məqamı da diqqətə çəkmək istəyir ki, SOCAR Petkimə 2008-ci ildə sahib olan zaman onun səhimlərini 1,2 TL-dən əldə etmişdi.
Hazırda SOCAR-ın holdinqdə payı 61,32%-di. Satışdan sonra isə payın 57,92%-dək azalacağı gözlənilir. –12B--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz