SOCAR prezidenti Gürcüstana gedir

  Dövlət Neft Şirkətinin (SOCAR) prezidenti Rövnəq Abdullayev noyabrın 9-da Tiflisə işçi səfər edəcək. Bu haqda şirkət prezidenti özü ANS TV kanalına müsahibəsində bildirib.

Abdullayevin sözlərinə görə, səfər çərçivəsində onun Gürcüstanın yeni çeseçmilmiş Baş naziri Bidzina İvanişvili ilə görüşü planlaşdırılıb. Görüşdə qarşılıqlı maraq doğuracaq məsələlərin müzakirə ediləcəyi güman edilir.

Qeyd edək ki, Gürcüstanda oktyabr ayının ortasından yeni hakimiyyət formalaşandan sonra SOCAR Energy Georgia şirkətinə qarşı KİV-lərdə materiallar yer yalmağa baışayıb. Bunları qaynaqlandıran isə yeni hökumətin üzvlərinin müxtəlif yöndə açıqlamalarıdır. Məsələn, nədən Gürcüstanda SOCAR qazı və avtomobil yanacağını bu qədər baha satır, Gürcüstan vətəndaşları niyə inkişaf etmiş ölkələrdəki qiymətə enerji daşıyıcılarına vəsait ödəməlidirlər, SOCAR Energy Georgia şirkətinin bu ölkədə fəaliyyətini hədsiz genişləndirilməsi Prezident Mixail Saakaşviliyə yaxın adamların himayəsi ilə mümükün olub və sair.

 SOCAR prezidenti isə mətbuata açıqlamasında bir neçə dəfə bəyan edib ki, şirkətin qonşu ölkədə fəaliyyəti ilə bağlı yeni hökumətlə hər hansı bir problemləri yoxdur. --12D--