Türkmənistan prezidenti Qurbanqulu Berdımuhammedov və Azərbaycan Dövlət Neft Şirkətinin (SOCAR) rəhbəri Rövnəq Abdullayev iki ölkə arasında səmərəli dialoqu hərtərəfli möhkəmləndirməyə hazır olduqlarını bildiriblər. Bu nikbin məlumatı Türkmənistan prezidentinin mətbuat xidməti Rövnəq Abdullayevin bu ölkəyə səfərinin yekunları ilə bağlı dərc edib.
Mənbənin məlumatına görə, Türkmənistan prezidentinin SOCAR rəhbəri ilə görüşü zamanı yanacaq-energetika sektorunda, o cümlədən dünyada sabit enerji daşıyıcıları tədarükünə olan tələbatın artması nəzərə alınmaqla, böyük əhəmiyyət daşıyan tranzit qaz kəmərlərinin çəkilməsi üzrə birgə layihələrin həyata keçirilməsi üzrə əməkdaşlığın fəallaşdırılmasının müxtəlif aspektləri müzakirə olunub.
Rövnəq Abdullayev şirkətinin “Türkmənistanla – böyük resurs və iqtisadi potensiala malik olan etibarlı və perspektivli tərəfdaşla tammiqyaslı əməkdaşlıq qurulmasında” maraqlı olduğunu vurğulayıb.
“Qurbanqulı Berdımuhammedov qeyd edib ki, Türkmənistan böyük neft-qaz yataqlarının kəşfiyyatı və sənaye cəhətdən mənimsənilməsi, şaxələnmiş boru kəməri şəbəkəsinin yaradılması üzrə genişmiqyaslı layihələrə böyük vəsaitlər yatırır. Dövlət başçısının sözlərinə görə, bütün bunlar Türkmənistanın üzərinə götürdüyü öhdəlikləri ciddi şəkildə yerinə yetirməsinin mübahisəsiz zəmanətidir”.
Səfər çərçivəsində SOCAR rəhbəri Türkmənistan XİN-də qəbul edilib. -02D-
İqtisadiyyat
-
Fevral ayının sonunda Pakistan və Azərbaycan hökumətlərinin 2 milyard dollarlıq sərmayə müqaviləsi imzalaması gözlənilir ki, bu müqaviləyə SOCAR (Azərbaycan Dövlət Neft Şirkəti) ilə bir neçə layihə də daxil olacaq. Turan informasiya agentliyinin verdiyi məlumata görə, yanvar ayında İslamabad və Bakıda müzakirə olunan enerji əməkdaşlığı layihələri müqavilədə yer alacaq. Bu layihələr arasında enerji səmərəliliyi təşəbbüsləri, boru kəmərinin tikintisi və SOCAR-ın Pakistanda yeraltı qaz anbarlarının yaradılması layihələrini araşdırmaq niyyəti yer alır. Həmçinin, Pakistan tərəfindən ölkədəki neft-qaz yataqlarının kəşfiyyatı və hasilatı ilə bağlı təqdim olunan sənədlər də bu müqaviləyə daxil olacaq.
-
Azərbaycan, içməli və suvarma su təchizatlarını təsir edən kəskin su qıtlığı ilə üzləşməyə davam edir. Bu problem, tez-tez mətbuatın diqqətində olmasına baxmayaraq, hələ də həll edilməyib. Xüsusilə fermerlər bu vəziyyətdən ciddi təsirlənirlər.
-
Azərbaycanın Dövlət Vergi Xidmətinin (DVX) nümayəndələri Alman-Azərbaycan Xarici Ticarət Palatası tərəfindən təşkil edilən vergi, gömrük və hüquqi məsələlər üzrə işçi qrupunun növbəti iclasında iştirak ediblər.
-
Kiçik və Orta Biznesin İnkişafı Agentliyi (KOBİA) sahibkarlara 192 startap sertifikatı təqdim edib, onların təxminən 50%-i isə gənclərdir. Bu barədə KOBİA-nın İdarə Heyətinin sədri Orxan Məmmədov V Gənc Sahibkarlar Forumunda Bakı şəhərində məlumat verib. Bu bəyanat, hökumətin ölkənin gənc sahibkarları arasında innovasiyanı dəstəkləməyə daha çox diqqət ayırdığını göstərir.
Rəy yaz