ABŞ-ın Bakıdakı səfiri Riçard Morninqstar beynəlxalq qüvvələr Əfqanıstandan çıxarıldıqdan sonra Azərbaycanın bu ölkəyə töhfə verməyə hazır olmasını alqışlayıb.
“Biz Azərbaycanın öz ərazisindən tranzit yolu ilə Əfqanıstana ərzaq və digər yüklərin daşınmasındakı xidmətlərini yüksək qiymətləndiririk. Biz həmçinin 2014-cü ildə beynəlxalq qüvvələr oradan çıxarıldıqdan sonra Azərbaycanın bu ölkə ilə bağlı götürdüyü öhdəlikləri yüksək qiymətləndiririk”, - R.Morninqstar çərşənbə günü jurnalistlərlə söhbətində bildirib.
Qeyd edək ki, 2002-ci ildə ISAF beynəlxalq qüvvələrin tərkibində Azərbaycan hərbçiləri də fəaliyyət göstərib. Sonradan (2009-cu il) azərbaycanlı hərbçilərin sayı iki dəfə artırılaraq 90 nəfərə çatdırılıb.
Bundan əlavə ANAMA (Minaların Təmizlənməsi üzrə Milli Agentlik) mütəxəssisləri minalardan təmizlənmə işləri aparırlar.-16D-
Siyasət
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Rəy yaz