Azərbaycanla İspaniya arasında ikiqat vergiqoymanın aradan qaldırılması haqqında saziş imzalanıb

Azərbaycanla İspaniya arasında ikiqat vergiqoymanın aradan qaldırılması, gəlirlərə və əmlaka münasibətdə vergilərin ödənilməsindən yayınmanın qarşısının alınması haqqında saziş imzalanıb.

İmzalanma İspaniya XİN rəhbəri Xose Manuela Qarsia-Marqaylonun Bakıya rəsmi səfəri çərçivəsində baş tutub.

Azərbaycan XİN rəhbəri Elmar Məmmədyarovla danışıqlardan  sonra keçirilən brifinqdə ispaniyalı nazir Madridin Bakı ilə siyasi dialoq və əməkdaşlığı inkişaf etdirməyə hazır olduğunu bildirib.

“Bu regionda Azərbaycan İspaniya üçün mühüm ölkədir. Bunu nəzərə alaraq, İspaniya Bakıda öz nümayəndəliyini açır”, - Qarsiya-Marqaylo bildirib.

E.Məmmədyarov deyibki, iki ölkə arasında münasibətlərin indiki səviyyəsi əməkdaşlıq potensialına uyğun deyil və onun inkişafı üçün geniş perspektivlər var.

O, razılıqla qeyd edib ki, İspaniya Qarabağ məsələsində  hər zaman Azərbaycanın ərazi bütövlüyünü dəstəkləyib.—16D-