SOCAR tikinti-quraşdırma işləri üzrə bazar araşdırması üçün şirkət seçir

SOCAR neft emalı və neft-kimya sahəsində tikinti-quraşdırma işləri üzrə bazar araşdırması üçün şirkət seçir

“SOCAR mühərrik yanacaqları üzrə istehsal gücünün artırılması və artan daxili tələbatın təmin edilməsi məqsədilə SOCAR öz mövcud istehsal obyektlərininin yenidənqurmasını həyata keçirmək niyyətindədir. Aparılmış tədbirlərin nəticəsində istehsal olunacaq mühərrik yanacaqlarının keyfiyyət göstəriciləri ən müasir ekoloji standartlara uyğun olacaq», - deyə məlumatda bildirilir.

Yenidənqurma işlərinin əksəriyyətinin Layihələndirmə, Satınalma, Tikinti (EPC/EPCm) podratçısının cəlb olunması ilə həyata keçirilməsi nəzərdə tutulur. Bununla əlaqədar tikinti-quraşdırma işlərini həyata keçirəcək podratçılar (C-podratçısı) məhz bu EPC podratçılar tərəfindən və ya SOCAR (EPCm halında) tərəfindən seçiləcək.

SOCAR tikinti-quraşdırma işləri üzrə potensial podratçıların siyahısının müəyyənləşdirilməsi üçün bazar araşdırmasının keçirilməsi məqsədi ilə “Practical Solutions Group” MMC şirkətini cəlb edib və bazar araşdırmasına yalnız tikinti-quraşdırma işləri üzrə bacarıq və təcrübəyə malik olan şirkətlər dəvət edilir.

Bazar araşdırması prosesində 10 il ərzində neft-qaz emalı və neft-kimya sənayesi üzrə müqavilə dəyəri ən azı 30 milyon ABŞ dolları olan tikinti-quraşdırma işlərini yerinə yetirmiş, yerli maddi-texniki bazaya və resurslara malik olanyerli və ya Azərbaycanda fəaliyyət göstərmiş xarici şirkətlər iştirak edə bilər.

Müraciətlər 18 iyula kimi qəbul ediləcək. –12D--