SOCAR Trading S.A. (STSA) şirkəti Londonun Gasol şirkəti ilə Benində (Qərbi Afrika) maye qaz qəbulu terminalı layihəsi çərçivəsində strateji alyans sazişi imzalayıb, deyə digitallook.com portalı bildirir.
Məlumatda deyilir ki, SOCAR Trading Gasol-u layihə çərçivəsində maye qazla və üzən qaz anbarları və Kotonu limanında qaz durulaşdırma gəmiləri ilə təmin edəcək.
Layihə maye qazın durulaşdırılmasını, sonra Benin, Toqo və Qananın enerji və sənaye istehlakçılarına çatdırılmasını nəzərdə tutur.
Gasol-un baş əməliyyat direktoru Alan Bakston qeyd edib ki, STSA ilə ittifaq Benin, Toqo və Qananın maye qazla təminatında vacib addımdır. Qaz tədarükündə məhdudiyyətlə bağlı bu ölkələr sənayeni gücləndirə, elektrik stansiyalarının gücünü artıra bilmirlər. Yeni strategiyaya əsasən, STSA Gasol alyansı maye qaza çıxış, onun saxlanması və qazlaşdırılması imkanı yaradacaq.
STSA-nın neft məhsulları ilə ticarət üzrə məsul işçisi Xəyal Əhmədzadənin sözlərinə görə, şirkət Gasol-a köməkdən məmnundur. Bu strateji alyansın yaradılması STSA-ya imkan verir ki, qısa və ortamüddətli perspektivdə artım gözlənilən bazarlara maye qaz tıədarük etməyə, regionda möhkəmlənməyə imkan verəcək.
* SOCAR Trading 2008-ci ildə yaradılıb. Mənzil-qərargahı Cenevrədədir. 2011-ci ildə dövriyyəsi $30 mlrd olub. İkinci ildir ki, Nigeriyada təmsilçiliyi var.
** SOCAR Trading-in saytında bu barədə məlumat yoxdur. --12D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz