Bu ilin noyabrında Dövlət Gömrük Komitəsinin xətti ilə dövlət büdcəsinə 104,2 mln manat daxil olub.
DGK-da Turan-a deyiblər ki, 2012-ci ilin 11 ayında 1 092 mln manat vergi və rüsum yığıblar. Bu il cəmi 1,2 mlrd manat yığım planlaşdırılır. Bunun əsas hissəsi əlavə dəyər vergisidir.
2011-ci ildə DGK-dan büdcəyə 1 141 mln manat daxil olub. Gələn il, büdcəyə əsasən, DGK 1 380 mln manat yığacaq.
Amma KİV-in yazdığına görə, gömrükdə toplanan rüşvət rəsmi yığımlardan xeyli çoxdur. Bundan başqa, bu və ya digər şəxslərin mal idxalında inhisarı var.
Azərbaycan 90-cı illərin ortalarından Ümumdünya Ticarət Təşkilatına daxil olmaq üçün danışıqlar aparır. Bu quruma daxil olmaq üçün təxmini vaxt da müəyyən edilməyib. Dövlət başçısı Fransa səfəri zamanı deyib ki, danışıqların uzun çəkməsi «daxili problemlərlə» bağlıdır. Prezident bunu hökumətin yerli sənaye və kənd təsərrüfatını ayağa qaldırmaq arzusu ilə əsaslandırıb. Amma yerli ekspertlər bildirir ki, bu yolla biznes diz üstə çökdürülüb. Əslində yerli sənayeyə və əsas istehlak mallarının idxalına nəzarət edən oliqarxların müqaviməti üzündən proses dalana dirənib.--08D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz