S&P Paşa Bank-a «ВВ-/В» reytinqi verib

Standard & Poor's kredit reytinqi xidməti Paşa Bank-a uzunmüddətli və qısamüddətli «ВВ-/В» reytinqləri verib. Proqnoz “Sabit”dir. 

Paşa Bank-ın reytinqi təkcə Azərbaycanda fəaliyyət göstərən bankın baza reytinq səviyyəsini, bankın biznes mövqeyini, güclü kapitallaşma və mənfəətlilik göstəricilərini, risk üzrə zəif mövqeyini, adekvat likvidlik göstəriiclərini əks etdirir. Bankın kredit qabiliyyəti xarakteristikasının qiyməti (stand-alone credit profile — SACP) — «b+»dir.

Paşa Bank-ın kredit reytinqi onun SACP-dan bir pillə yüksəkdir. Bu, bankın ölkənin bank sistemi üçün əhəmiyyəti və Azərbaycan hökumətinin bank sektoruna dəstək barədə rəyini əks etdirir. Paşa Bank-ın mülkiyyət strukturunu, bazarda payının sürətlə artmasını, iri korporativ müştərilərə xidmətdə vacib rolunu nəzərə alan S&P hesab edir ki, Paşa Bank-a etimadın itirilməsi ölkənin bank sisteminə etimadın itirilməsi ilə nəticələnər.

«Sabit» proqnozu onu əks etdirir ki, Paşa Bank yaxın iki ildə bazarda payını və kredit portfelini sürətlə artıracaq - ildə təxminən  30%.

Banka qarşı müsbət reytinq hərəkəti hazırda az ehtimal olunur. Amma bankın resurs bazası xeyli diversifikasiya olunsa, ayrı-ayrı əmanətçilərə konsentrasiya, bağlı tərəflərdən alınan maliyyələşmə azalsa, reytinq və ya proqnoz artırıla bilər.

Əgər kredit portfelinin sürətli artımı bankın kapitallaşma göstəricisinin mühüm pisləşməsi ilə nəticələnsə, reytinq və ya proqnoz azaldıla bilər. Kredit portfelinin yetkinliyinin artımı fonunda aktivlərin keyfiyyəti pisləşsə, bu da reytinq səviyyəsinə təzyiq edə bilər. –15D--