Son iki gündə hava şəraitinin yağışlı keçməsi nəticəsində bir sıra rayonlara maddi ziyan dəyib.
FHN-in məlumatına görə, Aran Regional Mərkəzinin inzibati ərazisində hava şəraitinin yağışlı keçməsi ilə əlaqədar Yevlax rayonunun Yenicə kəndində bir neçə fərdi yaşayış evinin həyətyanı sahəsinə yağış suyu dolub. Yağış sularının çəkilməsi məqsədilə nazirliyin müvafiq qüvvə və texnikası həmin ərazilərə cəlb olunub, gün ərzində suçəkmə işləri aparılıb.
Bundan əlavə, ölkənin şimal rayonlarına yağan güclü leysan yağışları səbəbindən Türyançay, Dəmiraparançay, Girdiman çaylarında suyun səviyyəsi xeyli qalxıb.
Ağdaş sakininin Turan-a verdiyi məlumata görə, çaylardan gələn güclü sel suları Ağdaş və İsmayıllı rayonlarında körpüləri dağıdıb, nəqliyyatın hərəkəti məhdudlaşıb.
Bakı-Şamaxı-Yevlax avtomobil yolunun 245-ci kilometrliyində, Ağdaş rayonu ərazisindən keçən Türyançayın üzərindəki avtomobil körpüsü qəzalı vəziyyətə düşüb. Türyançayın üzərində olan dəmir konstruksiyalı digər köhnə körpünün müvəqqəti olaraq təmir edilərək avtomobillərin hərəkətinin bərpası üçün iş aparılır.
Sinoptiklər sentyabrın 13-də ölkə ərazisində hava şəraitinin nisbətən mülayim, dəyişkən buludlu olacağını, arabir tutulacağını, gün ərzində əsasən yağmursuz keçəcəyini bildirirlər. Havanın temperaturu Bakıda və Abşeron yarımadasında gecə 16-19, gündüz 23-27 dərəcə , regionlarda isə gecə 14-19, gündüz 25-30, dağlarda gecə 7-12, gündüz 16-20 dərəcə isti olacaq.-16D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz