Avqustun 1-i üçün Azərbaycan Belarusdan ümumi qiyməti $36 mln 911,7 min olan 12 dəmiryolu vaqonu alıb, deyə bu ölkənin rəsmi mənbələri bildirir. Onları Stadler Minsk şirkəti istehsal edib və Bakı-Sumqayıt marşrutu üçün nəzərdə tutulub.
Belarus statistika qurumu bildirir ki, may-iyulda Azərbaycana ümumi qiyməti 21 mln 355,3 min olan 6 motorlu sərnişin vaqonu gətirilib. Bir vaqon $3 559 217-a satılıb. Belarusda həmçinin ümumi qiyməti 15 mln 556,4 min və ya biri $2 592 733 olan 6 özügetməyən vaqon alınıb.
«Azərbaycan Dəmir Yolları» QSC və “Stadler Rail Group” (İsveçrə) bu ilin mayında Bakıda Bakı-Sumqayıt marşrutu üçün 5 ikimərtəbəli qatar alınması barədə saziş imzalayıb. İndiyədək 3 qatar gətirilib.
Stadler Rail Group şirkətinin mətbuat xidmətində Turan-a bildiriblər ki, Stadler Minsk istehsalı KİSS elektrik qatarları Azərbaycan standartlarına uyğundur, şəhərətrafı dəmiryolu nəqliyyatında yeni standart olacaq. Sazişin məbləği 70 mln avrodur. Sonuncu qatarlar 2016-cı ilin yanvarı üçün gətiriləcək. Bundan sonra Bakı-Sumqayıt marşrutunda 5 qatar hərəkət edəcək.
ADY sədri Cavid Qurbanov bildirib ki, qatarların pulu 20 il ərzində ödəniləcək. Hər bir qatar 4 vaqondan ibarətdir və 919 sərnişin tutur. --08B—
İqtisadiyyat
-
Azərbaycanda kartof sektoru, ölkənin ərzaq təminatının əsas sütunlarından biri və ikinci ən əhəmiyyətli kənd təsərrüfatı məhsulu, kəskin enişlə üzləşib. Dövlət Statistika Komitəsinin məlumatına görə, istehsal 2024-cü ilin yanvar-oktyabr dövründə illik 7,6% azalıb və bu, uzunmüddətli eniş tendensiyasını əks etdirir.
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
Rəy yaz