Ötən il "Beynəlxalq Sığorta Şirkəti" (BSŞ) ASC-nin xalis qazancı 458,55 min manat təşkil edib ki, bu, fəaliyyət həcminə uyğun deyil. Baxmayaraq ki, 2013-cü ildə bu göstərici faciəli - 15,42 min manat idi.
Auditor rəyi ilə təsdiq edilmiş maliyyə hesabatına əsasən, bu qurumun ötən il ümumi gəliri 17 mln. 293,35 min manat təşkil edib, bunun böyük hissəsi sığorta pullarının payına düşüb (16 mln. 832.96 min manat).
Xərclər 16 mln. 681 min 577,91 manat təşkil edib. O cümlədən təkrar sığortaya verilmiş risklər 5 mln. 992,04 min manata, sığorta ödənişlərinin həcmi 5 mln. 129,2 min manata, sığorta işinin aparılmasına sərf olunan vəsait 4 mln. 921,71 min manat, qaytarılan sığorta pullarının məbləği 329,38 min manata bərabər olub. Digər xərclər də olub.
2014-cü ilin yekunlarına görə şirkətin vergiöncəsi gəliri 611,77 min manat təşkil edib. Mənfəət vergisi 153,22 min manata bərabər oub. Aktivlər 61,2% artaraq, 907,75 min manata, şirkətin öz kapitalı 65,8% artaraq 16 mln. 168,51 min manata, öhdəliklər 57,5% artaraq, 19 mln. 739,23 min manata çatıb.
Şirkətin banklarda yerləşdirilmiş depozitlərinin həcmi 2 dəfə artaraq, 13 mln. 864,37 min manat təşkil edib. "BSŞ" ASC 1 aprel 2002-ci ildən fəaliyyət göstərir. Şirkətin yegahə səhmdarı Azərbaycan Beynəlxalq Bankıdır. Şirkətin nizamnamə kapitalı 14,8 mln. manata bərabərdir. -17D-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz