“Azərsu” ASC 2013-2014-cü illərdə cəmiyyətin iki regional bölgəsində maliyyə hesabatlılığının auditinin aparılması üçün şirkət seçmək niyyətindədir.
Qurumun məlumatında deyilir ki, seçim tender vasitəsilə keçiriləcək. Elana görə, auditorun vəzifəsinə “Azərsu” ASC-nin törəmə strukturlarının (“ŞəkiSukanal” və “GəncəSukanal”) maliyyə hesabatlılığının auditi, 2012-2014-cü illərdə “Açıq kommunal infrastruktur proqramı II” layihəsi üzrə maliyyə hesabatlılığının auditi daxildir.
Tenderdə iştirakın dəyəri 300 manatdır. Şirkətdən təkliflərin qəbulu aprelin 7-dək həyata keçiriləcək. Tender proseduru həmin gün olacaq.
Xəbər verildiyi kimi, maliyyə hesabatlılığının auditi, 2012-2014-cü illərdə “Açıq kommunal infrastruktur proqramı II” layihəsi Gəncə və Şəki şəhərlərinin su təchizatı və kanalizasiyası sisteminin modernləşdirilməsi üzrə işlərin həyata keçirilməsini nəzərdə tutur.
Layihənin reallaşması üçün Almaniyanın KreditanstaltfurWiederaufbau (KfW) bankı 37 mln. avro həcmində kredit, İsveçrənin SECO agentliyi 10 mln. avro həcmində qrant ayırıb. Daha 7 mln. avro isə Azərbaycan hökumətinin payına düşür.--17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz