Ukrayna danışıqları uğurla başa çatıb

Cümə axşamı Minskdə Ukrayna  böhranının nizamlanması üzrə “Normand dördlüyü”nün 16 saatadək davam edən danışıqları başa çatıb.

RF prezidenti Vladimir Putin, Fransa prezidenti Fransua Olland, Ukrayna lideri Petro Poroşenko və AFR kansleri Angela Merkel saat 12:00-a yaxın jurnalistlərin qarşısına çıxaraq görüşün yekunlarını açıqlayıblar. Qısa mətbuat konfransından sonra onlar görüşün keçirildiyi İstiqlaliyyət Sarayını tərk ediblər.

Liderlərin Minsk sazişlərinin yerinə yetirilməsi üzrə qəbul etdikləri kompleks tədbirlər planı fevralın 15-dək atəşin dayandırılmasını və hər iki tərəfdən ağır texnikanın çıxarılmasını nəzərdə tutur. Həmçinin sərhəd, humanitar və iqtisadi məsələlər, 19 gün ərzində hər iki tərəfdən girovların buraxılması, konstitusiya islahatları, Donetsk və Luqansk ərazilərinin xüsusi statusu haqqında əvvəl qəbul  olunmuş qanunun qüvvəyə minməsi barədə razılıq ələ olunub.

Qondarma Donetsk və Luqansk xalq respublikalarının liderləri Aleksandr Zaxarçenko və İqor Plotnitski “Normad dördlüyü”nün hazırladığı yekun sənədi imzalamağa razılaşıblar.

Rusiya prezidenti V.Putin bildirib ki, iki sənəd imzalanıb, TASS bildirir. “İndicə Minsk kontpakt qrupunun sənədi imzalanıb. Kompleks tədbirlər adlanan sənəd Minsk razılaşmasının implementasiyasına yönəlib”, -Putin bildirib və sənədin dəqiq adını söyləməyə çətinlik çəkib. Onun sözlərinə görə, ikinci sənəd bu prosesin dəstəklənməsi barədə Fransa, Ukrayna, RF prezidentlərinin və Almaniya kanslerinin  bəyanatıdır.02D-